Día
Una día[1] u diya[2] (pronunciato /'dia/ u /'di:a/) ye una unidat de tiempo equivalent a un periodo de 24 horas.
Ye o tiempo que tarda o planeta Tierra a chirar 360 graus sobre o suyo eixe.
En o tiempo cheolochico s'ha puesto comprobar estudiando corals fosils que a velocidat de chiro s'ha retardato y que en a era paleozoica os anyos teneban mas días y que en un día y heba menos horas.
En o calendario gregorián un día ye a sietena parti d'una semana y cadagún d'ells tién un nombre. A sola variant de l'aragonés que conserva as denominacions d'os días d'a semana ye o benasqués y os días d'a semana son:
- Lluns[3] < latín LUNAE.
- Martz[3] < latín MARTIS.
- Mierques < latín MĔRCURI[S][3].
- Chòus[3] < latín IOVIS.
- Viernes (orichinariament venres en benasqués[3]) < VENERIS.
- Sapte[3] < hebreu SHABBAT.
- Dimenche[3]/Dumenche/Demenche < latín DOMINICA.
En aragonés escrito se fan servir estas atras denominacions: Lunes,Martes, Miércols, Chueves, Viernes, Sabado, Domingo.
Tamién o termín día puet fer referencia ta atros aspectos relacionatos con l'actividat humana en una chornada de treballo o en cualsiquier atra actividat.
Se veiga tamién[editar | modificar o codigo]
Referencias[editar | modificar o codigo]
- ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.181
- ↑ S'admite a epentesi antihiatica, encara que a forma más cheneral ye sin epentesi.
- ↑ 3,0 3,1 3,2 3,3 3,4 3,5 3,6 José Antonio Saura Rami: Heterogenea benasquensia. Estudis romànics, ISSN 0211-8572, Nº. 32, 2010, pachinas. 339-346.