Elefant

De Biquipedia
Ir ta: navego, busca
Articlo d'os 1000
Elefant
African elephant warning raised trunk.jpg
Elefant africán
Estato de conservación
Clasificación scientifica
Dominio: Eukaryota
Reino: Animalia
Filo: Chordata
Clase: Mammalia
Orden: Proboscidea
Familia: Elephantidae
Chenero: Loxodonta
Elephas
Nomenclatura binominal
Loxodonta / Elephas
Gray, 1821
Aire-éléphant.png
Destribución d'o elegant en primerías d'o sieglo XX (colors claras) y en primerías d'os sieglo XXI (colors foscas)

Os elefants (u alifants) son grans mamifers terrestres de l'orden d'os proboscidios. Bi'n ha tres especies vivients: o elefant africán de sabana, l'elefant africán de selva y o elefant asiatico (tamién conoixiu como elefant d'a India). Atras especies de proboscidios s'han extinguiu dende a zaguera edat glacial. Os mamuts, as formas nanas d'os qualos podrían haber sobreviviu dica o 2000 aC,[1] son as mas conoixidas. D'antis mas se'n clasificaba, chuntament con atros animals de piel gorda, aintro de l'orden actualment descartau d'os paquidermos.

Os elefants son os animals terrestres mas grans que existen en l'actualidat,[2] encara que en o pasau existioron dinosaurios y mesmo atros mamifers que les superaban en peso y mida. O periodo de chestación d'os elefants ye de 22 meses, o mas luengo de totz os animals terrestres. Ye habitual que as crias d'elefant pesen bells 120 kilogramos en naixer. Gosan vivir entre cinquanta y setanta anyos, pero l'animal mas viello conoixiu vivió 82 anyos.[3] O elefant mas gran nunca no conoixiu morió d'un tiro en Angola en 1956. Yera un masclo que pesaba bellas 12 toneladas,[4] con una altaria en a esquena de 4,2 metros, un metro mas gran que o elefant africán meyano.[5] Os elefants mas chicotz, que teneban a mida aproximada d'un vetiello u un tocín gran, fuoron una especie prehistorica que vivió en a isla de Creta mientres a epoca d'o Pleistoceno.[6]

O elefant ha apareixiu en culturas de tot o mundo. En as culturas asiaticas son un simbolo de sapencia y son conoixius por a suya memoria y intelichencia, ya que se creye que son a o ran intelectual d'os cetacios[7] y os hominidos.[8] Aristótil dició que o elefant yera "a bestia que supera toda as atras en inchenio y mente".[9] A parola "elefant" tien o suyo orichen en o etimo griego ἐλέφας, que significa "vori" u "elefant".[10]

Os elefants adultos sanos no tienen depredadors naturals,[11] pero os lions pueden cazar crías u individuos febles.[12][13] Manimenos, cada vegada son mas menazaus por a intrusión y a caza por parti d'os humans. Mientres que d'antis mas bi'n heba millons, a població actual d'elefants africans s'ha desplomau entre 470.000 y 690.000 individuos, seguntes una estimación de marzo de 2007.[14] Encara que o elefant ye un animal protechiu en tot o mundo, con restriccions sobre a suya captura, uso domestico y o comercio en productos como o vori, a reapertura por parti d'o CITES d'a venda de catirons de vori ha resultau en una puyada d'a caza furtiva. Bells estaus d'o centro d'Africa han informau d'una cayida d'as suyas poblacions d'elefants de dica dos tercios y as poblacions de bellas arias protechidas se troban en periglo de desaparición.[15] Como a caza furtiva recient ha aumentau dica un 45%, a población actual ye desconoixida (2008).[16]

Os elefants y a suya relación con os humans[editar | editar código]

Elefant portando una carga.

Os elefants bi han estato utilizatos por os humans ta fer treballos y atras feinas

Ta fer treballos[editar | editar código]

Os elefant son utilizatos ta porteyar cargas, estibar cargas pesatas y carreyar personas. A suya utilización como animal de treballo vién de luén y ye documentata a suya utilización en a Cultura d'o val d'o Indo dica l'actualidat.

Animal de guerra[editar | editar código]

As tropas cartachinesas con os suyos elefants cargan contra a infantería romana en a batalla de Zama (202 a.C.)

Os elefant bi han estato utilizatos historicament como instruments de guerra, equipatos con armaduras ta protechir-los y entrenatos ta luitar contra os caballos y homes enemigos. A primera referencia como animal de guerra ye en a epopeya india Mahabharata escrita en o sieglo IV a.C. anque se creye que relata succesos entre os sieglos XI a.C y VIII a.C., actualment no s'emplega como animal de guerra.

Animal de exhibición[editar | editar código]

Os elefants bi han estato utilizatos dica l'antiguidat ta fer exhibicions anque a forma de exhibir-lo cambeya seguntes a cultura y a epoca historica a on es fa. En l'antigo Echipto, Antiga China, Antiga Grecia, y l'Antiga Roma yeran exhibitos en una mena de zoolochicos, anque en Roma tamién se feban luitas entre humans, y atros animals con elefants. En a Edat Moderna a suya exhibición ye prencipalment en zoolochicos y circos a on fan trucos ta entretenedera d'a chent, o mas conoxito d'istos elefants estió un elefant anomenato Jumbo que estió muito popular en zaguerias d'os sieglo XIX.

Os elefants en a cultura popular[editar | editar código]

Representación en piedra d'un elefant.

Os elefants son un tema muito recurrent en as diferents culturas y epocas en as que teneban presencia y son representatos dende o paleolitico. En Africa d'o Sur y o Sahara bi ha pinturas y petroglifos rupestres a on están representatos. En l'Estremo Orient son un tema recurrent en os santuarios y templos budistas y hindús.

Vinclos externos[editar | editar código]

Referencias[editar | editar código]

  1. (en) S. L. Vartanyan, V. E. Garutt† i A. V. Sher‡parallel, "Holocene dwarf mammoths from Wrangel Island in the Siberian Arctic", Nature 362, 337 - 340 (25 de marzo de 1993)
  2. (en) African Elephant. National Geographic. 16 de chunio de 2007
  3. (en) Elephants - Animal Corner
  4. (en) Frequently asked African Elephant questions. South African National Parks
  5. (en) Animal Bytes: Elephant. San Diego Zoo
  6. (en) Bate, D.M.A. 1907. On Elephant Remains from Crete, with Description of Elephas creticus sp.n. Proc. zool. Soc. London: 238-250.
  7. (en) What Makes Dolphins So Smart?. Discovery Communications
  8. (en) Cognitive behaviour in Asian elephants: use and modification of branches for fly switching. BBC
  9. (en) "The Elephant's Secret Sense: The Hidden Lives of the Wild Herds of Africa". Caitlin O'Connell. Simon & Schuster, 2007. Nueva York. Pach.174-184 ISBN 0743284410
  10. (en) "Concise Oxford English Dictionary". Catherine Soanes; Angus Stevenson. Oxford University Press. ISBN 0-19-929634-0, 2006
  11. (en) Joubert D. 2006. Hunting behaviour of lions (Panthera leo) on elephants (Loxodonta africana) in the Chobe national Park, Botswana. African Journal of Ecology 44:279-281.
  12. (en) A. J. Loveridge, J. E. Hunt, F. Murindagomo & D. W. Macdonald. (2006) Influence of drought on predation of elephant (Loxodonta africana) calves by lions (Panthera leo) in an African wooded savannah. Journal of Zoology 270:3, 523–530
  13. (en) Great Plains. Planet Earth. Noviembre de 2006. Num. 7
  14. (en) WWF: African elephants. 28 de marzo de 2007
  15. (en) WWF: Poaching May Erase Elephants From Chad Wildlife Park. 24-12-2008
  16. (en) http://www.cbsnews.com/stories/2008/12/19/60minutes/main4677338.shtml Poachers Leaving Elephant Orphans]