Hominidae

Hominidae
Clasificación cientifica
Dominio:	Eukaryota
Reino:	Animalia
Filo:	Chordata
Subfilo:	Vertebrata
Clase:	Mammalia
Orden:	Primates
Familia:	Hominidae
Descripción
Hominidae Gray, 1825,
Distribución cheografica
Distribución

Los hominidos (cientificament Hominidae (Gray, 1825)) son una familia de primates que incluye a os humans y os simios (chimpancés, gorilas y arangutans). Dica fa poco o termin "hominidos" incluyiba en sentiu estricto a los humans y os suyos antepasaus. Os simios (chimpancés, gorilas y arangutans) yeran clasificaus en una familia aparte clamada Pongidae pero dimpués de cuantos estudios cheneticos s'acceptoron a los simios como una subfamilia Ponginae d'a familia Hominidae, os chimpancés se baixoron mas dica a tribu Hominini seguntes cuantos autors. Cualques eruditos mesmo l'han intentau clasificar como parte d'o chenero Homo. Os humans comparten un 99% d'o suyo chenoma con os chimpances, un 97% con os gorilas y 95% con os arangutans.

Morfolochia

Chimpance bonobo.

Gorila.

Arangutan.

Os hominidos son os primates mas grans, con un peso que oscila de 48 a 270 kg. En cheneral, os masclos son mayors que as fembras (dimorfismo sexual), con cuerpos robustos y brazos bien desembolicaus. Tienen numerosas diferencias respective a l'escleto d'os atros primates, especialment relacionadas con o desembolique d'a suya verticalidat.

Toz os miembros d'ista familia tienen cerebros relativament grans y complexos. Tienen as narices proximas una de l'atra y orientadas ente lo frent y enta baixo. A formula dental ye a mesma en toz os miembros d'iste grupo: 2/2, 1/1, 2/2, 3/3 = 32.

Os hominidos son omnivoros, encara que a base d'a suya alimentación gosan estar as fruitas y vechetals: en o caso d'o chimpancé y los humans pueden incluyir atros mamiferos, o que constituye menos d'o 2% d'a suya dieta. Una atra caracteristica ye a complexidat d'o suyo comportamiento social, expresión facial y vocalización complexa. Toz construyen casas u cubilars y cudian muito a las suyas crías mientres un largo periodo; as fembras tienen cheneralment una cría en cada chestación.

Son os animals mas intelichents d'o mundo, tienen prou habilidat pa creyar y utilizar ferramientas, hue en día solament l'Homo sapiens (human) ha aconseguiu expandir-se y dominar a Tierra, as atras especies d'hominidos estan en periglo d'extinción a causa d'a perdida d'o suyo habitat y a caza humana.

Clasificacion

Especies actuals

Árbol filochenetico.

Bi ha ueito especies vivientes d'hominidos que se clasifican en cuatro cheneros.

• Pongo
  • Pongo pygmaeus - arangután de Borneu
  • Pongo abelii - arangután de Sumatra
  • Pongo tapanuliensis - arangután de Tapanuli
• Gorila
  • Gorilla gorilla - gorila occidental
  • Gorilla beringei - gorila oriental
• Hominini
  • Pan
    • Pan troglodytes - chimpance común
    • Pan paniscus - bonobo
  • Homo
    • Homo sapiens - humano

Especies y cheneros extinctos

• Rama evolutiva humana
  • Homo
    • Homo naledi†
    • Homo habilis†
    • Homo rudolfensis†
    • Homo ergaster†
    • Homo georgicus†
    • Homo erectus†
    • Homo cepranensis†
    • Homo antecessor†
    • Homo heidelbergensis†
    • Homo rhodesiensis†
    • Homo floresiensis†
    • Homo neanderthalensis†
    • Homo sapiens idaltu†
    • Hominido de Denísova†
    • Homo luzonensis†
  • Australopithecus†
    • Australopithecus anamensis†
    • Australopithecus afarensis†
    • Australopithecus garhi†
    • Australopithecus africanus†
    • Australopithecus bahrelghazali†
  • Paranthropus†
    • Paranthropus aethiopicus†
    • Paranthropus robustus†
    • Paranthropus boisei†
• Rama evolutiva d'o chimpancé
  • Ardipithecus†
    • Ardipithecus kadabba†
    • Ardipithecus ramidus†
  • Sahelanthropus†
  • Orrorin†
  • Kenyanthropus†
• Rama evolutiva d'o gorila
  • Chororapithecus†
  • Nakalipithecus†
• Rama evolutiva de l'arangutan
  • Pongo
    • Pongo hooijeri †
  • Gigantopithecus†
  • Sivapithecus†
  • Lufengpithecus†
  • Ankarapithecus†
  • Ouranopithecus†
  • Khoratpithecus†
    • Khoratpithecus piriyai†
    • Khoratpithecus ayeyarwadyensis†
    • Khoratpithecus chiangmuanensis†
• Especies de simios extinctas pero que no han puesto estar relacionadas con os humans, chimpances, gorilas y arangutans.
  • Dryopithecus†
    • Dryopithecus brancoi†
    • Dryopithecus fontani†
    • Dryopithecus wuduensis†
    • Dryopithecus laietanus†
    • Dryopithecus crusafonti†
  • Anoiapithecus†
  • Graecopithecus†
  • Rudapithecus†
  • Pierolapithecus†
  • Udabnopithecus†
  • Hispanopithecus†
  • Samburupithecus†
  • Neopithecus†

Vinclos externos

• Se veigan as imáchens de Commons sobre Hominidae.

• Datos: Q635162
• Multimedia: Hominidae / Q635162
• Especies: Hominidae