Chelva

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chelva
Municipio d'o País Valenciano
Entidat  • Estau  • Comunidat  • Provincia  • Comarca	Municipio  Espanya  País Valenciano Valencia Los Serrans
Superficie	190,6 km²
Población  • Total	1645 hab. (2013)
Altaria  • Meyana	475 m.
Distancia  • 69 km	enta Valencia
Alcalde	Cristina Garcia Zapater
Codigo postal	46176
Coordenadas	39°44’55’’N 0°59’51’’U
Chelva Chelva en Comunidat Valenciana
Web oficial

Chelva ye un municipio de la provincia de Valencia, situau en la comarca de Los Serrans. La suya población ye de 1645 habitants, en una superficie de 190,6 km² con una densidat de 8,63 hab/km².

Cheografía

Chelva ye una localidat situada en la ribera de lo río Tueixa, afluent de lo río Blanco u Guadalaviar, que tamién traviesa lo termin municipal, esgarrapando-ie foces. Lo suyo termin ye muito montanyoso, con sierras que perteneixen u a lo macizo de Chabalambre u a la sierra d'Utiel. Chelva da nombre a una formación de piedras calsineras churasicas muito extendida por lo Sistema Iberico dita "Formación calsineras de Chelva".

Bi ha un extenso pinar de pin borde (Pinus halepensis).

Historia

Dimpués de la revuelta de Al-Azraq la repobloron con cristianos d'orichen aragonés en 1370. Lo sinyor de Manzanera don Pero Ladrón de Villanueva compró Chelva, Sinarcas y Tueixa a Huguet de Bordils en l'anyo 1386. Chelva se convertió en la seu de lo Vizcondato de Chelva en l'anyo 1390, cuan Chuan I d'Aragón li atorgó a Pero Ladrón de Villanueva lo títol de vizconte.

Toponimia

Lo toponimo Chelva provién de lo latín SILVA, con lo mesmo significau que en aragonés Selva.

En la primera división de los bispatos que se fizo en lo Concilio de Toledo de l'anyo 675 se feba mención de Chelva como una de las mugas de lo Bispato de Valencia:

Terminum Valentiae. Valentia tenat de Silva vigil usque Murvetrum et de mare usque Alpont.

Por estar un toponimo romanz anterior a la reconquiesta ye un toponimo mozarabe. Lo paso de s- inicial ta ch- se produce tamién en aragonés en chulla y hiflar. Manimenos la existencia de la variant documental Xelva en la baixa Edat Meya puet indicar que bi ha habiu cheada como en cheringa dende xeringa (de lo griego SYRINX).

Demografía

Evolución demografica

2021 2022 2023 2024 2025 2026 2027 2028 - - 1.597 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Vinclos externos

• www.Chelva.es, concello de Chelva.
• http://www.webcitation.org/query?id=1256557090172597&url=www.geocities.com/chelvaweb/?200725

• Datos: Q1771138
• Multimedia: Chelva / Q1771138