Balneario de Segura de los Banyos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Segura de los Banyos
Situación cheografica
Estato
País	Aragón
Comarca	Cuencas Meneras
Situación	Segura de los Banyos
Adreza
Altaria	1.122 m
Servicios
Auguas	Silicatatas y ferruchinosas
Fuents
Ríos	río Aguas
Lacos	{{{lacos}}}
Ubierto	Zarrato actualment
Servicios
Premios
Construcción
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Localización
Segura de los Banyos Situación de Segura de los Banyos en Aragón
Pachina web

O balneario de Segura de los Banyos ye un antigo balneario aragonés situato en o municipio de Segura de los Banyos, en a comarca d'as Cuencas Meneras. As instalacions termals se troban situatas a 5 km d'a localidat de Segura de los Banyos, a piet d'Albas y a cantos d'o río Aguas. Actualment o balneario ye en desuso, pero bi ha obras ta reubrir-lo a o publico con nuevas instalacions.

Historia

No se sabe guaire bien cuan prencipioron a emplegar-se istas auguas con fins terapeuticas, pero o primer edificio d'a zona estió un santuario en honor a Sant Remón que se construyó astí en l'anyo 1716. Poco dimpués se construyo a dita "Casa del Rincón" chunto a l'armita y mas entabant atro edificio entre o río y o camín de Segura. Por ixas envueltas as auguas no se feban servir ta banyar-se, ya que no existiban garra edificio ta ista función, pero sí que s'emplegaban ta beber-ne. Os malautos s'amanaban enta a zona ta pillar l'augua dreitament en os manantials.

Ascape o capitol de Segura, que heba construyito l'armita, construyó una nueva edificación, a "Casa d'o Puent", que serviría t'acullir as instalacions balneyarias. Asinas, pillando l'augua d'un manantial la levaban enta a casa por un conducto de tellas y la repartían entre cuatre banyeras. Amás como a temperatura de l'augua no yera guaire alta se gosaba fer calentar en una caldera, ta que asinas os clients podesen tener-la a una buena temperatura.

Bel anyo dimpués una creixita d'o río espaldó parcialment a "Casa d'o Puent", mas que mas a planta baixa a on se trobaban as banyeras y as canyerías que levaban l'augua. Alavez se decidió de fer un atro edificio nuevo chunto a o río, dito actualment "Casa d'as Pilas Viellas", recullindo l'augua de mas manantials. Ista nueva casa, d'un solo piso, se dividiva en cuatre partis con dos seccions cadaguna. En una parti os banyistas podeban espullar-se y chitar-se en o leito dimpués d'o banyo y en l'atra se trobaban as banyeras u pilas. Chunto a ista casa se construyó mas tardi atra, dita "Casa d'a Fuent", que reculle as auguas d'un nuevo manantial d'a marguin dreita d'o río Aguas. Posteriorment, se construyó chunto a l'armita a "Casa Fonda", un edificio destinato a servicios d'hostelería a on se daba tamién alochamiento.

Mientres a Primera Guerra Carlista (1833-1840), Ramón Cabrera se refuchió en Segura de los Banyos, habendo-ie un setio que duraría dica a rendición d'iste o 29 de febrero de 1840 debant d'as tropas d'o Duque d'a Victoria. O lugar fue cuasi estricallato de tot y os banyos incendiatos, cremandose as casa d'o rincón y a hospedería.

Auguas y tractamientos

As auguas d'o balneario salen de dica cinco manantials diferents y son auguas bicarbonatatas. Belunas d'istas auguas son silicatatas y tienen una temperatura de 23 °C y atras son ferruchinosas y salen a 17 °C.

As propiedaz d'as auguas de Segura encluyen a curación d'os reumatismos y bella malautía ocular.

Vinclos externos

• (es) Recuerdos del balneario de los Baños de Segura.
• (es) Balnearios de Teruel. Balneario de Segura de Baños.

• Datos: Q13048474