Masache

De Biquipedia
Masache.

O masache[1] (d'o francés massage y iste de l'arabe مَسَّ massa "sentir,tocar"[2]) u esfrega[3] ye a manipulación d'os teixius tovos d'o cuerpo. As tecnicas d'esfrega s'aplican comunament con as mans, os didos, os ancons, as chenullos, os abantbrazos, os pietz u bell dispositivo. O proposito d'un masache ye per un regular pa lo tractamiento de l'estrés u dolor corporal. En os países europeus, una persona capacitada profesionalment pa fer esfregas se conoixe tradicionalment como masachista.

En entornos profesionals, os clients son tractaus mientres son chitaus en una camilla d'esfrega, posaus en una siella d'esfrega u chitaus en una colchoneta en o solero. I hai muitas modalidatz diferents en a industria d'o masache.

Efectos sobre lo cuerpo humán[editar | modificar o codigo]

Beneficios[editar | modificar o codigo]

A investigación medica ha contrimostrau que los beneficios de l'esfrega incluyen l'alivio d'a dolor, a reducción de l'angluzia y la depresión, y la reducción temporal d'a presión arterial, y la freqüencia cardiaca.[4] Pruebas adicionals han contrimostrau un aumento immediato y periodos de recuperación acceleraus pa lo rendimiento muscular.[5] As teorías dezaga d'o que podría fer o masache incluyen una millora en o creiximiento y la remodelación d'o musclo esqueletico, o bloqueyo d'a nocicepción, l'activación d'o sistema niervoso parasimpatico, que puede estimular a liberación d'endorfinas y serotonina, lo que apreviene la fibrosi u teixiu cicatricial, aumentando lo fluxo de linfa y amillorando lo suenio.[6]

Contraindicacions[editar | modificar o codigo]

Con qualsequier inflamación aguda, o masache ye contraindicau. Istos incluyen malotías febrils y malotías d'os vasos, lo que significa que lo cuerpo ya ye baixo muita tensión y, amás, ye estresau per l'esfrega. En o caso de malotías d'a piel, o contacto puede empiorar a malotía, propagar chermens u infectar a lo terapeuta. Asinasmesmo, en o caso d'una lesión traumatica, o masache ye absolutament contraindicau a resultas d'a presión sobre o teixiu correspondient (per eixemplo: musclos u uesos). Lo mesmo ocurre con as varicies, ya que la presión sobre as extremidatz (brazos y garras) puede provocar que se desprendan trombos.

Menas de masaches[editar | modificar o codigo]

Masaches clasicos[editar | modificar o codigo]

Masaches esotericos[editar | modificar o codigo]

Masaches eroticos[editar | modificar o codigo]

Referencias[editar | modificar o codigo]

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. (en) Massage en Merrian-Webster Dictionary
  3. (es)/(an) masaje/esfrega en Aragonario
  4. (en) Moyer CA, Rounds J, Hannum JW (January 2004). "A meta-analysis of massage therapy research". Psychological Bulletin. 130 (1): 3–18.
  5. (en) Dupuy O, Douzi W, Theurot D, Bosquet L, Dugué B (2018). "An Evidence-Based Approach for Choosing Post-exercise Recovery Techniques to Reduce Markers of Muscle Damage, Soreness, Fatigue, and Inflammation: A Systematic Review With Meta-Analysis". Frontiers in Physiology. 9: 403.
  6. (en) Owais S, Chow CH, Furtado M, Frey BN, Van Lieshout RJ (October 2018). "Non-pharmacological interventions for improving postpartum maternal sleep: A systematic review and meta-analysis". Sleep Medicine Reviews. 41: 87–100.