Aragonés ayerbense

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ayerbense
Variedaz de l'aragonés
Situación de l'ayerbense
Localización cheografica
Estau	{{{estau}}}
País	Aragón
Rechión	{{{rechión}}}
Parlau en	Semontano d'Ayerbe
Lugars principals	Agüero, Ardisa, Ayerbe, Biscarrués, Concilio, Erés, Fontellas, Os Anguiles, Linars de Marcuello, Lobarre, Murillo de Galligo, Piedramorrera, Puent de Luna, Riglos, Sarsamarcuello, Santolaria, Santa Engracia y Sant Felices
Estatus
Atras denominacions	{{{atras denominacions}}}
Charradors
Oficial en	{{{oficial}}}
Reconoixiu en	{{{reconoixiu}}}
Regulau por	{{{regulau}}}
Vitalidat	Baixa
Literatura
Escritors principals	Luis Pérez Gella, Chusé Antón Santamaría Loriente
Rasgos dialectals	Occidentals, pero tendent a la castellanización
Clasificación lingüistica
Indoeuropea Romance Romance occidental Occitanorromanica u iberorromanica Aragonés Meridional Ayerbense
ISO 639-1	{{{iso1}}}
ISO 639-2	{{{iso2}}}
ISO 639-3	{{{iso3}}}
SIL	{{{sil}}}

L'ayerbense u semontanés d'Ayerbe ye la parla comarcal aragonesa que se charra en Ayerbe y a suya redolada: Agüero, Ardisa, Ayerbe, Biscarrués, Concilio, Erés, Fontellas, Os Anguiles, Linars de Marcuello, Lobarre, Murillo de Galligo, Piedramorrera, Os Corrals, Riglos, Sarsamarcuello, Santolaria, Santa Engracia y Sant Felices. Tiene mas vitalidat en Agüero y Lobarre. A localidat d'Agüero figura en l'ALEANR con a sigla Hu 112 y a localidat d'Ardisa con a sigla Z 202.^[1]

Denominación

Tradicionalment os habitants d'a redolada d'Ayerbe han denominau a la suya parla u fabla charrar basto, y asinas lo documenta l'ALEANR en Agüero.^[1] A denominación d' ayerbense no ye popular y talment s'haiga orichinato en ambients filolochicos por ciertas obras de Tomás Buesa Oliver, ixemenando-se a conoixencia d'o termin con a Gran Enciclopedia Aragonesa.

Fonetica

Encara que no predomina a sonoricación d'a -P-, -T-, -K- latinas, d'alcuerdo con a suya localización meridional, existen bels casos de conservación de xordas intervocalicas: forato, betiello, capino, y mesmo casos que no se troban a ormino en comarcas mas a o norte: allaca, chinipro.
Encara existen casos de conservación d'a -x- aragonesa, por eixemplo se conserva en ixe, ixa, ixos, ixas.
Se conservan muitos casos d'epentesis antihiaticas sobre tot en formas verbals d'os rematatos en -yer y en -yir:
- cayer, escayer, trayer, sayeta, tú leyas, yo/el seya, freyir/friyir, vusotros creyís, reyir, vusotros veyís, criyer, él riye, fuyir, creyer, ecetra...

Morfolochía

L'articlo definito ye o cheneral en aragonés, o, os, a, y se contraye con as preposicions: d'a, enta la:
- baixaron t'o patio, enta do vas, pa remate d'as fainas
A preposición "de" se fa i (cuan a palabra primera remata en vocal): un vaso'i vino
O plural de bel ye bels, que seguntes as normas graficas de l'Estudio de Filolochía Aragonesa, s'ha d'escribir bels.
En a parella a ormino / a sobén se diz a ormino
O participio ye o mas común en aragonés: -au, -iu, pero existen bels repuis de participios en -ato, -ito lexicalizatos: cazata, colorito, forato, pixata, escupito.
Os cherundios se fan dende o tema de perfecto, como tuviendo, quisiendo, ficiendo (pero tamién existe fiendo).
As rematanzas d'a 3a persona d'o plural d'o pasau perfecto son as castellanas -aron, -ieron (mincharon, bebieron).
Ye perdiu o morfema aragonés d'a 2a persona de plural, que se fan en -is, como en feis, minchais.
O verbo fer prene bellas formas castellanas: tu faces, el face en cuenta de tu fas, el fa, pero a resta de conchugación fa fer, fago, femos, feis, feba.
As rematanzas en -t se pronuncian en -r (como en verdat (pronunciau verdar) u en o caso d'o diminutivo -et), como mocet (pronunciau mocer).

Referencias

↑ ^1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

Bibliografía

Tomás Buesa Oliver: Soluciones antihiáticas en el altoaragonés de Ayerbe. A.F.A X-XI 1958-1959 [1].
F. Sánchez Pitarch y G. Tomás Faci. Breve descripcion del aragonés de Agüero. Archivo de filología aragonesa, ISSN 0210-5624, Vol. 61-62, 2005-2006, pp. 185–218.[2]
F. Sánchez Pitarch y G. Tomás Faci. Replega de tradizión oral agüerana. Luenga & fablas, ISSN 1137-8382, Lum. 10, 2006, pp. 33–61.
Chesús de Mostolay: L'aragonés d'a Baxa Galliguera. Rolde de Estudios Aragoneses (2008)
F. Sánchez Pitarch. L'aragonés d'Agüero y a suya contribuzión a o conchunto d'a luenga: II Congreso de l'Aragonés. Actas. Academia de l'Aragonés. 2009, pp. 177–192.

Variedatz meridionals de l'aragonés
Ayerbense \| Aragonés d'o Semontano de Balbastro incluindo o Navalés \| Aragonés d'o Viello Sobrarbe

Datos: Q8202946

[ALEANR-1] 1,0 ^1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

[1]