Milvus migrans

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Milvus migrans

Un esparvero negro (Milvus migrans)

Estato de conservación

Seguro.

Clasificación scientifica

Dominio:	Eukaryota
Reino:	Animalia
Filo:	Chordata
Clase:	Aves
Orden:	Accipitriformes
Familia:	Accipitridae
Subfamilia:	Milvinae
Chenero:	Milvus
Especie:	M. migrans

Nomenclatura binominal

Milvus migrans

Boddaert, 1783

Narancha: Estiu. Verde: Tot l'anyo. Azul: Hibierno.

O esparvero negro^[1] (nombre cientifico Milvus migrans (Boddaert, 1783)) ye un au de presa d'a familia d'as accipitridas, subfamilia d'as milvinas.

Tiene habitos mas migradors que no altras especies de esparveros (o suyo nombre cientifico significa «esparvero migrador» en latín) en viachando cada anyada cientos de quilometros d'entre os suyos puestos d'hibernada y os d'estiache. En a Peninsula Iberica ye una especie que nomás i estiva, y no existe garra poblacions residents en tot Europa, anque se i reproduz. En a epoca estival, de marzo a setiembre, ye a especie de esparvero mas numerosa en Aragón, superando en numer a os Milvus milvus que i residen de perén. En hibierno, marchan ta l'Africa subsahariana.

Descripción

Ye un au d'entre 47 y 56 cm, a suya coloración ye marrón fusca cheneral con a capeza mas claro y a parte de baixo d'una color mas royo. En volido s'identifican por a color mas fusca que la resta de aus de presa, y por a lonchitut d'as alas. A coda remata en recto.

Nombres populars

En Cinco Villas ye conoixita como "esparvero" y "abadejo".^[2]

Alimentación

Ye una au que no goza estar buena cazataire por o que a suya alimentación ye principalment d'animals viellos, con feridas o directament de carnuz, ye un au frequent en os cursos de rios y verteders alimentando-se de peixes muertos y despullas. Tamién ye frequent a suya aparición en lugars poblaus ta aconseguir cazar polletz de gurrions y atros muixons.