Acer granatense

De Biquipedia
Ir a la navegación Ir a la búsqueda
Acer granatense
Acer opalus subsp. granatense.JPG
Acer granatense
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Sapindales
Familia: Aceraceae
Chenero: Acer
Especie: Acer granatense

Acer granatense (lur nombre scientifico significa, literalment, «acirón de Granada») ye una especie d'acirón tipica d'o levant peninsular, sobre tot en o sector sudeste, que tamién se troba en as montanyas de l'Atlas y en Mallorca. A clasificación d'esta especie no tiene aceptazión per totz os botanicos, y belauns la consideran una subespecie d'Acer opalus, con o nombre d'Acer opalus granatense.

Acerals d'Acer granatense[editar | editar código]

Acerals d' Acer granatense, en trobamos en as zonas alteras més orientals d'a Sierra de Gúdar y as suyas estribacions enta lo Mayestrato, paraches on que la continentalidat ye menos acusata. Son en altarias entre os 1200 y 1600 m, a on i resisten millor a sequedat ambiental, a l'egual que os tilers u os urmos de montanya, rechenerando-se bien en os pacos d'as pinetas de montanya de pin royo, menos a on que bi ha pin nasarro, y comparte puesto con o caixico Quercus faginea, como se desvién en a Tosquilla. Tamién bi ha acerals d'Acer granatense en os Puertos de Bezeit, una d'as mugas septentrionals d'esta especie.

Arboletz comuns en os acerals son Sorbus aria, Corylus avellana, y a vegatas Ilex aquifolium y Taxus baccata.

A orla arbustiva ye d'especies desichents como Viburnum lantana, Crataegus monogyna, Amellanchier ovalis, Lonicera xylosteum, Ribes alpinum, Juniperus communis, Rosa canina, Rubus ulmifolius, Prunus spinosa, Rhamnus saxatilis, etz...

As masas d'Acer granatense ocupan por un regular suelos profundos y humidos que l'ombre ye desforestatos ta creyar pratos. O millor aceral de Gúdar (lo un d'o barranco de las Torres entre Nogueruelas y Linars de Mora) ye en un suelo profundo y humido.

Selvetas més reducitas pero con árbols de grant mida de dica 50 cm de diametro son os d'o Molín de las Truitas en Mosqueruela y lo un d'o Barranco de los Arenazos en Linars de Mora.

Vinclos externos[editar | editar código]

(es) Acer opalus spp. granatense