Viburnum lantana
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Viburnum lantana | |
|---|---|
 | |
| Denominacions populars | |
Tintilaina, vetelaina, vetalaina, chinchilaina, pitixaina
| |
| Clasificación cientifica | |
| Eucariotas | |
| Plantae | |
| Magnoliophyta | |
| Magnoliopsida | |
| Dipsacales | |
| Adoxaceae | |
| Viburnum | |
| V. lantana | |
| Descripción | |
Viburnum lantana
Linné, | |
A tintilaina (Viburnum lantana Linné ye una planta anchiosperma y dicotiledonia d'a familia d'as Adoxaceae.
Fitonimia[editar | modificar o codigo]
O fitonimo d'esta especie en aragonés ye en muitos puestos tintilaina, interpretable a partir d'o latín TINCTILAGINEM, y con o sufixo -aina propio de fitonimos como borraina, ferraina y plantaina. Atras denominacions d'este especie presentan igualment o sufixo -aina. Tamién tiene o nombre de petichaina y petichainera.
Descripción[editar | modificar o codigo]
Ye un matiguer de fuella caducifolia, que puede alcanzar os 4 a 5 m de altura. As ramas son molsudas, grisiscas y flexibles. As fuellas son oposadas, aovadas y lanceoladas de bels 6–13 cm d'amplo y 4-9 de largo con puntetas en forma de sierra. Debaixo de a fuella ye molsuda con niervols bien marcaus. As chicotas flors (5 mm) hermafroditas, de color blanca sora, naixen en corimbos terminals y densos de 4–10 cm de diametro. A corola consta de 5 petalos rechuntaus, que forman un canyuto largo en o naixedero. Floreix en primerías de o verano y ye polinizada por insectos. O fruto ye royo y se fa negro cuan madura, no ye verenoso pero si bella mica toxico. Os muixons ixemenan as simients malas que se minchan o fruto y las van esparraficando con as suyas cacaletas.
A suya madera ye de color amarillisca y feba una tintura emplegada te tintar lanas, teixius y cuero. Con as ramas se feban tochos muito apreciaus, por a textura de a suya pela, a color brillant y a suya flexibilidat y poco peso.
Vinclos externos[editar | modificar o codigo]
Se veigan as imáchens de Commons sobre Viburnum lantana.
Wikispecies tiene un articlo sobre Viburnum lantana.
