Cartirana
| Cartirana | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} UescaAlto Galligo Samianigo |
| Población • Total |
53 hab. (2016) |
| Altaria • Meyana |
857 m. |
| Distancia • 53 km |
enta Uesca |
| Codigo postal | 22612 |
| Chentilicio | cartiranense |
| Parroquial • Diocesi • Arcipestrau |
Chaca Samianigo |
| Coordenadas | |
Cartirana ye un lugar d'a provincia de Uesca situato en o municipio de Samianigo, en a comarca de l'Alto Galligo. Se troba a man de Samianigo en dirección a la val d'Acumuer.
A la fin d'o sieglo XV b'heban 8 fuegos en o lugar, estando a meyatos d'o sieglo XIX 5 fuegos y 30 habitants, y ya en 1981 yeran 51 os habitants. Estió d'a sobrecullita, vereda y correchimiento de Chaca, creyando lo suyo propio municipio en 1834 y más tardi unindo-se a Aurín y Borrés en 1845 y dimpués a Larrés entre 1930 y 1940, estando actualment totz lugars d'o municipio de Samianigo.
Apareixe documentato lo lugar en l'anyo 1100 en o testamento d'un hombre dito April que diz teneba en a localidat "meschinos" y un "palacium". Tamién apareixe en atros documentos d'o sieglo XII sobre as propiedatz d'os monesterios de Fanlo y Mont Aragón.
Molimentos[editar | modificar o codigo]
A frontera d'a ilesia suya, con un arco de ferradura yera d'una anterior ilesia d'estilo mozarabe. Se tracta d'a Ilesia de Sant Martín de Tours de Cartirana, una ilesia en estilo barroco adedicada a Sant Martín de Tours, que ye la ilesia parroquial d'o lugar.[1] Ye un edificio en mampostería con piedra picada en os suyos cantos con nomás que una sola nau dividida en tres trampos con vuelta de canyón, con una chicota capiella lateral y con una torre adosada.[2]
Bi ha dos ermitas amán d'o lugar, adedicatas a Sant Cosme y Santa Lucia, ista zaguera de l'anyo 1701, pero reconstruita en 1981 quan yera en runas.
Entre l'arquitectura popular destacan casa Usieto y casa Pavlo con as suyas portaladas adintelatas u casa Latas con a puerta adovelata. Por atra parti casa Escolano conserva as millors caracteristicas de l'arquitectura popular sarrablesa como a chaminera tronco-conica, as finestras enmarcatas de calso u o tipico furno.
Referencias[editar | modificar o codigo]
- ↑ (es) Parroquias del Arciprestazgo de Sabiñánigo en o sitio web d'a Diocesi de Chaca.
- ↑ (es) Iglesia de San Martín de Cartirana en o sitio web d'o Sistema de Información del Patrimonio Cultural Aragonés.
Bibliografía[editar | modificar o codigo]
- (es) Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.