Trallo

De Biquipedia
Ir ta: navego, busca
Iste articlo tracta sobre o trallo, que ye qualsiquier palo largo. Ta atros usos de «trallo» se veiga Trallo (desambigación).
Trallos que delimitan un camín ta quan a nieu o tapa.

Un trallo ye qualsiquier tipo de palo mas u menos recto en o qual a lonchitut, de más de dos metros, sia muito mas gran que o diametro. A parola designa un palo especialment largo y mas u menos recto.

Se tracta d'un termino chenerico, que s'aplica con freqüencia a palos de madera u de fusta poco treballada, siempre con a condición de que tiengan una lonchitut considerable.

En o vocabulario profesional d'os navaters, o vocable «trallo» s'emplega ta denominar os trancos que, una vegada ligaus, forman os trampos d'a navata. Se les da ixe nombre porque os compradors de madera gosan preferir os trancos rectos y finos d'os árbols chovens, de manera que predominan en a navata.

Una forma femenina d'a parola, tralla, ye o nombre que recibe tradicionalment o palo con o qual s'arrea a os animals de carga u de tiro.

Se veiga tamién[editar | editar código]