A Corona (Muro de Roda)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre A Corona. Ta altros emplegos d'a parola «Corona» se veiga Corona (desambigación).

A Corona La Corona
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	0 hab. (2010)
Altaria  • Meyana	±700 m.
Distancia  • 127 km  • 17 km  • 9 km	enta Uesca enta L'Aínsa enta Tierrantona
Codigo postal	22336
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
A Corona A Corona en Aragón

A Corona (oficialment, en castellano, La Corona) ye un lugar aragonés d'o municipio de a Fueva, en a comarca de Sobrarbe y en a provincia de Uesca. En l'actualidat ye despoblau.

Se troba en un collau de poqueta altaria que comunica a fondonada d'a Fueva con a val d'a Cinca, d'entre as garras d'o tozal de Griébal y o tozal de Muro de Roda. Be de distar 1,5 kilometros de a Lecina y alto u baixo igual de a pardina de Montero, todas dos en dos camals d'o camino que baixa ta la inundada ribera d'a Cinca y Arasanz, cacegaus por l'entibo de Mediano. Por a man d'o collau que mira ta la Fueva, a 1 km u cosa asinas se troba Susiaz y poquet mas luent, en seguindo a pista camino ta Arro, a Plana.

A Corona ye un lugar chicorrón, formau por bellas casas en una sola carrera y sin garra ilesia, por o que ta os servicios relichiosos no disposaba si que d'una capilleta que omne ha puesto datar en o sieglo XIX. L'edificio millor destacable de o lugar ye Casa Oncins, un casal noble de grans dimensions. Como tamién pasa con cualques lugarichons de a redolada, como a Lecina, a Plana u o Pamporciello, a estructura urbana ye centrada en un u dos casals fuertes y no se i tiene ta oficios si que a tipica capilleta que gosan tener todas as pardinas, o que fa pensar que se pueda tractar de nuclios creixidos a partir d'una pardina antiga, a on que se i habrían dido adhivindo casas mas humildes con os anyos.

En chunto con belaltras pardinas d'a redolada y cualques lugars, va estar parte d'o municipio de Muro de Roda, dica l'absorción d'iste ta formar-se l'achuntamiento de a Fueva en o decenio de 1960.

Referencias

• Datos: Q13048287
• Multimedia: La Corona (Muro de Roda) / Q13048287