Anzanigo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Anzanigo
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Alto Galligo Candarenas
Partiu chudicial	Chaca
Población  • Total	33 hab.
Altaria  • Meyana	594 m.
Distancia  • 52 km	enta Uesca
Codigo postal	22624
Parroquial  • Diocesi  • Arcipestrau	Uesca Ayerbe
Coordenadas	42°24’ 7’’N 0°39’ 0’’U
Anzanigo Anzanigo en Aragón

Anzanigo (en castellano Anzánigo) ye un lugar aragonés pertenexient a o municipio de Candarenas, situato en a comarca de l'Alto Galligo (provincia de Uesca), en a clamata Galliguera.

A suya población ye de 33 habitants.

Cheografía

Ye situato en a ribera ezquierda d'o río Galligo, a lo nord-este de l'entibo d'a Penya, a 594 metros d'altaria sobre o livel d'a mar, y a una distancia de 52 km d'a ciudat de Uesca, a capital d'a suya provincia.

Etimolochía

O lugar prene o nombre de l'antigo puent romano que bi heba en iste puesto y que yera dito en latín Anzanvs. Hue en ixe puesto se i troba un puent medieval. Chunto a lo puent encara se conserva parti de l'antiga vía romana Zaragoza-Biarn.

Historia

Seguntes Agustín Ubieto Arteta, a primera cita d'o lugar ye en 1037, recullita en a obra d'Eduardo Ibarra y Rodríguez Documentos correspondientes al reinado de Ramiro I (1034-1063) (en Colección de documentos para el estudio de la Historia de Aragón, I Zaragoza, 1904), y documenta as formas Ançanego, Anzanecho, Anzaneco, Andizaniku, Andiçanicu, Anteçaneco, Antecannecco y Antezaneco.

En 1972, l'antiguo termin municipal d'Anzanigo se disgregó: a mayor parte s'adhibió a Candarenas, encara que o lugar de Centenero y o suyo termin s'adhibió a o municipio d'As Penyas de Riglos, seguntes o Decreto 3389/72, de 30 de noviembre, publicato en o Boletín Oficial del Estado numero 299, de 14 d'aviento.

Molimentos

A suya ilesia parroquial adedicata a Santa Agueda Virchen y Mártir ye d'o sieglo XVIII.

Destaca tamién l'ermita romanica d'a Virchen d'Izarbe d'o sieglo XII u XIII. A imachen romanica d'a Virchen d'Izarbe ye alzata HUE en a ilesia parroquial.

L'atra ermita situata amán d'o lugar ye la de Santa Isabel, tamién romanica.

Fiestas

• 11 de mayo en Honor a la Virchen d'Izarbe se Celebra una romería.
• Primer sabado de chunio, romería enH honor a la Virchen d'os Ríos.
• 13 de chunio, Sant Antón, fiestas patronals.