Anzanigo

De Biquipedia
Ir a la navegación Ir a la búsqueda
Anzanigo
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Alto Galligo
Candarenas
Población
 • Total

33 hab.
Altaria 594 m.
Distancia
 • 52 km

enta Uesca
Codigo postal 22624

Anzanigo (en castellán Anzánigo) ye un lugar aragonés pertenexient a o municipio de Candarenas, situato en a comarca de l'Alto Galligo (provincia de Uesca), en a clamata Galliguera.

A suya población ye de 33 habitants.

Cheografía[editar | editar código]

Ye situato en a ribera cucha d'o río Galligo, a lo noreste d'o entibo d'a Penya, a 594 metros d'altaria sobre o ran d'a mar, y a una distancia de 52 km d'a ciudat de Uesca, a capital d'a suya provincia.

Etimolochía[editar | editar código]

O lugar prene o nombre de l'antigo puent román que bi heba en iste puesto y que yera dito en latín Anzanvs. Hue en ixe puesto se i troba un puent medieval. Chunto a lo puent encara se conserva parti de l'antiga vía romana Zaragoza-Biarn.

Historia[editar | editar código]

Seguntes Agustín Ubieto Arteta, a primera cita d'o lugar ye en 1037, recullita en a obra d'Eduardo Ibarra y Rodríguez Documentos correspondientes al reinado de Ramiro I (1034-1063) (en Colección de documentos para el estudio de la Historia de Aragón, I Zaragoza, 1904), y decumenta as formas Ançanego, Anzanecho, Anzaneco, Andizaniku, Andiçanicu, Anteçaneco, Antecannecco y Antezaneco.[1]

En 1972, l'antiguo termin municipal d'Anzanigo se disgregó: a mayor parte s'adhibió a Candarenas, encara que o lugar de Centenero y o suyo termin s'adhibió a o municipio d'As Penyas de Riglos, seguntes o Decreto 3389/72, de 30 de noviembre, publicato en o Boletín Oficial del Estado numero 299, de 14 d'aviento.

Molimentos[editar | editar código]

A suya ilesia parroquial adedicata a Santa Agueda Virchen y Mártir ye d'o sieglo XVIII.

Destaca tamién l'ermita romanica d'a Virchen d'Izarbe d'o sieglo XII u XIII. A imachen romanica d'a Virchen d'Izarbe ye alzata HUE en a ilesia parroquial.

L'atra ermita situata amán d'o lugar ye la de Santa Isabel, tamién romanica.

Fiestas[editar | editar código]

  • 11 de mayo en Honor a la Virchen d'Izarbe se Celebra una romería.
  • Primer sabado de chunio, romería enH honor a la Virchen d'os Ríos.
  • 13 de chunio, Sant Antón, fiestas patronals.

Referencias[editar | editar código]

  1. (es) Ubieto Arteta, Agustín: Toponimia aragonesa medieval, Valencia, 1972.


Lugars d'o municipio de Candarenas
Aguces | Anzanigo | Aquilué | Artaso | Candarenas | Escusaguat | Estallo | Latre | Sant Vicient d'Aquilué | Serué | Sieso de Chaca | Xabierre-Latre