Aquilué

Aquilué
Lugar d'Aragón
Entidat  • País  • Provincia  • Comarca  • Municipio	Lugar Aragón  Uesca Alto Galligo Candarenas
Población  • Total	36 hab.
Altaria	690 m.
Distancia  • 63 km	enta Uesca
Codigo postal	22624
Parroquial  • Diocesi  •Arciprestato	Chaca Samianigo

Aquilué ye un lugar pertenexient a o municipio de Candarenas, situato en a comarca de l'Alto Galligo (Uesca).

A suya ilesia parroquial d'a Virchen de l'Ascensión ye d'o sieglo XII, y fue modificata en os sieglos XVII y XVIII. Tamién destaca, amán d'o camín que leva ta Candarenas, l'armita d'a Virchen d'os Ríos a on chents de tota la redolada fan una romería en chunio.

Toponimia

D'alcuerdo con bellas interpretacions, sin conoixencia d'a distribución y naturaleza d'o idioma ibero, u talment aceptando por ciertas as tesis vasco-iberistas, o nombre ye iberico y significa "puesto con alicas". Gerhard Rohlfs en 1952 contimparando con toponimos pareixitos deduce que ye un caso de terminación -ué indicadora de pertenencia dezaga d'un antroponimo román Aquilus documentato en Espanya. Equivale semanticament a l'antigo Aquiliaco, que huei ye Eguilly en Côte d'Or.

Ha tenito bellas variants documentals en a Edat Meya como Aquilur, Aquilui (1059) y Aquiluei (1079), estando a primera aparición en un documento en 1014 en Sant Chuan d'a Penya.