Aquilué

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aquilué
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Alto Galligo Candarenas
Partiu chudicial	Chaca
Población  • Total	19 hab.
Altaria  • Meyana	690 m.
Distancia  • 63 km	enta Uesca
Codigo postal	22624
Chentilicio	Aquiluesano/a
Parroquial  • Diocesi  • Arcipestrau  • Parroquia	Chaca Samianigo Ascensión d'o Sinyor
Coordenadas	42°22’52’’N 0°29’20’’U
Aquilué Aquilué en Aragón

Aquilué ye un lugar aragonés pertenexient a o municipio de Candarenas, situato en a comarca de l'Alto Galligo (Uesca).

Toponimia

D'alcuerdo con bellas interpretacions, sin conoixencia d'a distribución y naturaleza de l'idioma ibero, u talment aceptando por ciertas as tesis basco-iberistas, o nombre ye iberico y significa "puesto con alicas". Gerhard Rohlfs en 1952 contimparando con toponimos pareixitos deduce que ye un caso de terminación -ué indicadora de pertenencia dezaga d'un antroponimo romano Aquilus documentato en Espanya. Equivale semanticament a l'antigo Aquiliaco, que huei ye Eguilly en Côte d'Or.

Ha tenito bellas variants documentals en a Edat Meya como Aquilur, Aquilui (1059) y Aquiluei (1079), estando a primera aparición en un documento en 1014 en Sant Chuan d'a Penya.

Molimentos

A Ilesia de l'Ascensión d'o Sinyor d'Aquilué, a suya ilesia parroquial, adedicada a l'Ascensión d'o Sinyor, una ilesia d'o sieglo XII que fue esviellada en os sieglos XVII y XVIII.

Tamién destaca, amán d'o camín que leva ta Candarenas, l'ermita de Nuestra Sinyora d'os Ríos a on chents de tota la redolada bi fan una romería en chunio.