Boletín Oficial del Estado

Boletín Oficial del Estado

Información cheneral
Periodicidat	Diaria
País	Espanya
Seu	Madrit
Fundación	2 d'otubre de 1936
Carácter	Diario oficial
Idioma	Castellano
Editora	Achencia Estatal Boletín Oficial del Estado
ISSN	0212-033X
Web	boe.es

O Boletín Oficial del Estado (en aragonés Buletín Oficial d'o Estau, BOE en as suyas siglas oficials) ye o diario oficial d'o Estau espanyol adedicau a la publicación de determinadas leis y disposicions normativas estatals.

A edición, impresión, publicación y difusión d'o Boletín Oficial del Estado ye encomendada, en rechimen de descentralización funcional, a l'Achencia Estatal Boletín Oficial del Estado.

A Constitución Espanyola de 1978 disposa en o suyo articlo 9.3 que «a Constitución guarencia... a publicidat d'as normas». Ye por tanto un imperativo legal a suya publicación, fendo-se dita publicación a traviés d'os diferents buletins oficials, o BOE en o suyo caso en tractar-se de normativa cheneral estatal.

D'alcuerdo con o Reyal Decreto 181/2008^[1], de 8 de febrero, d'ordinación d'o diario oficial Boletín Oficial del Estado, o BOE ye o diario oficial d'o Estau espanyol, o medio de publicación d'as leis y disposicions.