Uga

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Uga
Ugas negras
Clasificación scientifica
Reino: Plantae División: Magnoliophyta Clase: Magnoliopsida Orden: Vitales Familia: Vitaceae Chenero: Vitis
Especies
Vitis acerifolia Vitis aestivalis Vitis amurensis Vitis arizonica Vitis x bourquina Vitis californica Vitis x champinii Vitis cinerea Vitis x doaniana Vitis girdiana Vitis labrusca Vitis x labruscana Vitis monticola Vitis mustangensis Vitis x novae-angliae Vitis palmata Vitis riparia Vitis rotundifolia Vitis rupestris Vitis shuttleworthii Vitis tiliifolia Vitis vinifera Vitis vulpina Ref. Itis 500017

A uga u uva ye una fruita mas u menos roncha y sucosa. Ye o fruito d'a vinya u vit y d'a parrera, que forma carrazos.

Morfolochía

Diagrama con as parz d'una uga. Texto en anglés.

As ugas presentan una cubierta impermiable y dura dita barfuello u garafullo que corresponde a lo epicarpo u exocarpo. As ugas son unidas con atras ugas d'o carrazo por a garraspa. A simient que bi ha adintro d'a uga ye a pepita u gran d'uga.

Dimpués de prensar as ugas queda un repui solido formau por as garraspas, os barfuellos y as pepitas y dito brisa.

Emplegos

As pansas son uvas que han estau sozmesas a un proceso de deshidratación.

A mes gran parte d'a uga tien lo destín de fer vin, pero bi n'ha unas que se deixan secar pa fer pansas (uvas de colgar), y atras que se minchan dreitament porque son mes dulces (uvas lamineras). Dende zaguers d'o sieglo XIX bi ha una tradición de minchar doce ugas a nueit de cabo d'anyo en Aragón, tota Espanya y buena part d'Hispanoamerica.

O vin se fa sozmetendo a un proceso de fermentación o suco d'a uga u mosto, que tamién se puet consumir y comercializar dreitament como producto no alcoholico.

Pa obtener mosto en muitos puestos a chent pisaba as ugas en un trullar y dimpués las prensaban, pa dimpués recullir o liquido en un laco que bi heba a cantos. Actualment o proceso d'obtener mosto ye un proceso industrializau

En o proceso de fermentación saliban gases que podeban intoxicar a la chent que bi heba amán d'o trullar. Cuan o mosto fermenta se diz que "bulle" en aragonés. En as "Cronicas de los Chueces de Teruel" se describe un caso d'intoxicación mientres bulliba o que yera fendo vin:

Esti año al trasmudar de los vinos Francisco Torremocha y Quiteria su mujer baxaron a la bodega quando bullían y se afogaron amos, que ninguno los pudo ayudar.

O vin que se deixa bullir sin o barfuello ye o clarete. O vin que se deixa bullir con o barfuello se converte en vin tinto por a difusión d'as substancias colorants que bi ha.

Variedaz

Garnacha, una variedat d'uga común en os vinyals d'Aragón.

En o Semontano de Balbastro y Viello Sobrarbe se cautivan u cautivaban bellas variants d'uga: alcanyón, aramón, garnacha, mamagastro, moristel, parraleta, parrel y salcenyo.

En a compleganza d'o río Martín (comarcas d'o Baixo Martín, Andorra-Sierra d'Arcos y Cuencas Meneras) as variedaz que se produciba yeran: garnacha, migueldiarcos, probetón/probechón, negraleho, royal y blasco (vinya que no puya) y moscatel, cojón de gato y bolsillo como variedaz de parra.

En l'Alto Palancia y Alto Millars se conoixen as variants boval, vernacha/granacha, viradillo, morenillo, direta, temprana, botón de gato/botón de gallo, escatajarra, farcalla, verdiel/vidriel, royal, de teta de vaca, el señorito, de planta, terret, castellana y moscatel.

Ditos y mazadas

• «no comas uga si no te la dan os esmolaticheras»
• «cómete a uga que piquen as abelletas»

Referencias

• Se veigan as imáchens de Commons sobre Grapes.