Nueit de cabo d'anyo
A nueit de cabo d'anyo[1][nota 1] ye a nueit que bi ha entre a viespra de cabo d'anyo (31 d'aviento) y o día de cabo d'anyo (1 de chenero). Ye habitual de celebrar ista fiesta minchando-se doce grans d'uga (un por cada campanada d'o cambeo d'anyo).
En cada ciudat d'o mundo bi ha un puesto an a chent se reune ta recibir o nuevo anyo, en Zaragoza por eixemplo, se fa en a Plaza d'o Pilar y en Madrit en a Puerta del Sol.
A tradición d'as doce ugas ye espanyola. En atros países como Archentina bi ha tradicions pareixitas en as que se minchan pansas u como en Italia que ye tradicion minchar lentellas.
En toz os puestos bi ha borina y fuegos artificials.
En ista nueit se corre en muitos lugars d'o mundo a Cursa de Sant Silvestre, a Sant Silvestre Vallecana celebrata en Madrit ye beluna d'as mas famosas d'o mundo chunto con a de Rio de Janeiro.
Notas
[editar | modificar o codigo]- ↑ Con as variants nuet de cabo d'anyo, nit de cabo d'anyo y nit de cabo d'an
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Datos: Q11269
Multimedia: New Year's Eve / Q11269