Liquido
O liquido[1][nota 1] (d'o latín < liquĭdus) ye un d'os estaus d'a materia. Ye un fluyiu, adintro do que os atomos u moleculas que lo forman se mueven librement en o suyo interior. S'esferencian d'os gases (que tamién son fluyius), en que las distancias entre las suyas moleculas son cuasi invariants, por lo que se les considera cuasi incompresibles. D'atra man, a materia en estau liquido ye facilment deformable. A superficie ye una superficie libre en que lo liquido no ye limitau por un contenedor.[2]
O paso d'un estau solido a un estau liquido se diz fusión, y lo paso inverso ye a solidificación (conoixiu como conchelación cuan se debe a una reducción d'a temperatura). O paso d'estau liquido a estau gaseoso se diz evaporación, y lo paso inverso ye la condensación.[3]
Os liquidos se mesuran en unidaz de volumen, la d'o Sistema Internacional d'Unidaz ye lo metro cubico, encara que tamién gosa emplegar-se muit a sobén o litro, que ye equivalent a un decimetro cubico. Tradicionalment en Aragón bi heba mesuras que s'utilizaban pa medir a cantidat de liquido, tals como l'arrobeta, o nietro, o cantaro, o charro (u pichera) y a pichereta.
Bels eixemplos de liquidos incherius por os humans son l'augua, a leit u lo vin.
Notas
[editar | modificar o codigo]- ↑ Con a variant lliquido
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Frank White: Fluid mechanics. McGraw-Hill, Nueva York, 2003 ISBN 0-07-240217-2.
- ↑ (ca) Estat líquid, en a Enciclopèdia Catalana.
