Magras con tomate
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Magras con tomate | ||
|---|---|---|
 Magras con tomate | ||
| Cocina: | Gastronomía aragonesa y navarra | |
| Orichen: |  Aragón
| |
| Se mincha en: | Aragón, Navarra | |
| Ingredients: | Pernil y tomate | |
| Preparación: | Fritas con allo y salsa de tomate | |
As magras con tomate son un plato tipico d'a gastronomía aragonesa feito con carne (magras de pernil) y salsa de tomate (tomate). A receta con diversas variants ye conoixita en por o norte d'a peninsula (como en Navarra[1][2]), trobando-se o suyo orichen en Aragón.[3][4][5] A vegadas se mincha ta desayunar-se.[1]
Caracteristicas
A carne magra (limpia de grasa y tendons) que ye emplegata en a receta ye por un regular de tocín (chullas de pernil d'un centimetro de gordaria) que se fríen en aceit con allos. A receta tradicional fa servir magro de pernil.[3][6] En bellas ocasions si son salazón se gosan mullar en leit templata mientres bellas horas antis de cocinar-las. Gosa emplegar-se un pernil no guaire curato. En pasar-se por a sartén van deixando a suya grasa. Yera un alimento popular en o sieglo XIX, tal y como lo refleixan bels autors.[7] Alguns autores les ne dicen magras teruelanas.[5]
En Navarra se gosan fer con pernil y uevo con salsa de tomate.[1][2] En Pamplona a brenda habitual que se fa dimpués d'a lidia d'o tercer toro, son magras con tomate. A vegatas s'emplegan tomates enteros en a elaboración y o suyo sofrito va parando a salsa necesaria ta elaborar a receta de magras. Tamiés se gosa decorar con pimientos royos tallatos en chuliana.
Referencias literarias
- En l'anyo 1832 o escritor y periodista Larra nombra o plato en una d'as suys obras. A describe en una mesa madrilenya.[7]
- O Duque de Rivas as nombra en un romance:
- De la venta en la cocina
- se hallaban dos reverendos,
- de una sartén apurando
- magras con tomate y huevos.
- O escritor Benito Pérez Galdós en Torquemada y San Pedro (1895), describe iste plato. Anyos dimpués o mesmo escritor en os suyos Episodios Nacionales titulatos: "De Cartago a Sagunto", cap. XIX (escritos dica 1911) mete iste plato en boca de navarros.
- O escritor costumbrista madrilenyo Ramón Mesonero Romanos ya describe iste plato en Madrid.
Referencias
- ↑ 1,0 1,1 1,2 Jose Maria Lacambra-Loizu, (2004), The Lords of Navarre: A Basque Family Saga, iUniverse, pag. 366
- ↑ 2,0 2,1 Víctor Manuel Sarobe, (1995), La cocina popular Navarra, Caja de Ahorros de Navarra
- ↑ 3,0 3,1 Teodoro Bardají Mas, (1935), «La cocina de ellas»,Madrid, (receta 598), pag. 444-445
- ↑ Néstor Luján, Juan Perucho, (2003), El libro de la cocina española, Tusquets, pp:319-342
- ↑ 5,0 5,1 Manuel Vázquez Montalbán, (2002), La cocina de la harina y el cordero, Madrid, ISBN 84-666-0791-9, pag. 34
- ↑ Gervasio Gironella, (1852), Semanario pintoresco español: Lectura de las familias, Madrid, Volúmenes 17-18, pag. 343
- ↑ 7,0 7,1 Mariano José de Larra, (1898), Colección de Artículos Escogidos, Madrid, (art. «Castellano viejo»)
Se veiga tamién