D

D D
L'alfabeto aragonés
A	B	C	D	E
F	G	H	I	J
K	L	M	N	Ñ
O	P	Q	R	S
T	U	V	W	X
Y	Z
Digrafos
ch	gu	ix	ll	ny
qu	rr
Atros simbolos
Ç	l·l	nn	tz

A D (de) ye a cuatrena letra de l'alfabeto aragonés y tercera d'as consonants. O suyo nombre ye de.

En aragonés

En aragonés o grafema <d> representa o fonema dental oclusivo sonoro:^[1]

En a suya realización oclusiva [d]: delera ([de'leɾa]), dula (['dula]), doliquera ([doli'keɾa]), dient (['djen]), dandaliar ([danda'ljaɾ]), fondo (['fondo]), espuenda ([es'pwenda]), conduta ([kon'duta]), mandria (['mandɾja]), caldereta ([kalde'ɾeta]).
En a suya realización aproximant [ð] cado (['kaðo]), fada (['faða ]), tieda (['tjeða]), bardo (['baɾðo]), tordoleta ([toɾðo'leta]), fardacho ([faɾ'ðatʃo]).

En bellas parlas se da a realización muda [Ø] cuan se troba en situación intervocalica. Se recomienda en istos casos a suya escritura: vilada ([bi'laða] u [bi'laa]), peladizo ([pela'ðiθo] u [pela'iθo]), verdadera ([beɾða'ðeɾa] u [beɾða'eɾa]).

En os dialectos en que s'elide a vocal final en o cherundio -ndo, s'ha d'escribir tamién a "d", pero ista ye muda: charrando/charrand ([tʃa'rando]/[tʃa'ran]), temendo/temend ([te'mendo]/[te'men]), sentindo/sentind ([sen'tindo]/[sen'tin]).

Significaus d'a D

Vehíclos: En as matriclas, indica que o vehíclo viene d'Alemanya.
Bioquimica: en mayuscla simbolo de l'acido aspartico.
Economía: simboliza a demanda.
Educación: En os sistemas de calificacions escolars d'o países anglosaxons significa suspender una asignatura.
Matematicas: en mayuscla yera emplegata por os romanos ta referir-se a o numero cincocientos.
Musica: en a escala anglochermanica correponde a la nota re.
Politica: a sobén ye una sigla ta indicar partiu democrata.
Quimica: en mayuscla simbolo d'o Deuterio. Ye tamién o nombre d'una vitamina.
SI: en minuscla simbolo de deci.
Informatica: Lenguache de programación D.