Mustafa Kemal Atatürk

De Biquipedia
Ir ta: navego, busca
Articlo d'os 1000
Mustafá Kemal Atatürk
Mustafa Kemal Atatürk

29 d'octubre de 1923 – 10 de noviembre de 1938
Precedito por Creyación d'o cargo
Succedito por İsmet İnönü‎

3 de mayo de 1920 – 24 de chinero de 1921
Precedito por Creyación d'o cargo
Succedito por Fevzi Çakmak
Naiximiento 12 de marzo de 1881
Ottoman flag.svg Salonica, (Imperio Otomán, actualment Grecia)
Muerte 10 de noviembre de 1938
Flag of Turkey.svg Estambul, Turquía
Partito Partito Republicán d'o Pueblo
Conchuche Latife Uşaklıgil (1923-1925)
Profesión Melitar
Relichión Musulmana
Sinyal Signature of Mustafa Kemal Atatürk.svg

Mustafá Kemal Atatürk, naixito de Salonica (Imperio Otomán, actualment Grecia) o 12 de marzo de 1881 y muerto en Estambul (Turquía) o 10 de noviembre de 1938, estió un melitar y politico turco, fundador y primer president d'a Turquía laica dende o 29 d'octubre de 1923 dica la suya muerte. Antiparte, tamién estió o primer d'os primers menistros d'o país, dende o 3 de mayo de 1920 dica o 24 de chinero de 1921. No aceptó o tractato de Sèvres y dende a suya base en o centro d'Anatolia consiguió fer frent a las potencias aliatas vencedoras d'a Primera Guerra Mundial y Armenia y creyar y asegurar as mugas d'o estato turco, que dimpués fació laico y l'occidentalizó.

As suyas primeras anyadas[editar | editar código]

Mustafa, que iste yera o suyo nombre seguntes o sistema onomastico turco, naixió en a ciudat de Salonica, a o canto d'a mar Echea que en ixas envueltas feba part d'o Imperio Otomán con o nombre de Selânik, fillo d'Ali Rıza Efendi, un funcionario turco d'aduanas, que morió quan Mustafa yera encara un nin, y de Zubeida Hanım.

O chóven Mustafa estudeó en a escuela en Salonica de Semsi Efendi, un pedagogo propietario d'una escuela privata que aplicaba metodos occidentals ta educar a os suyos alumnos, encara que albandonó a escuela luego d'a muerte d'o suyo pai, ta vivir con o suyo tío en o campo, recibindo educación d'a suya mai y d'o suyo tío, dica que se decidió que viviese con a suya tía en Salonica, a on continó os suyos estudeyos.

Dentró en una Academia melitar en a ciudat de Monastir (hué Bitola, en a Republica de Macedonia) en 1895, a on vivió o periodo d'as luitas con os griegos.

Carrera melitar: Guerra italo-turca y Primera Guerra Mundial[editar | editar código]

Convencito que o exercito heba de mantener-se fuera d'a politica no participó en o movimiento d'os Chóvens Turcos. En 1911 se distinguió como oficial en Tripolitania en a Guerra Italo-turca. En 1915, en a Primera Guerra Mundial, tenió exito en o frent d'os Dardanelos contra os Aliatos occidentals y dimpués en 1916 en Anatolia oriental contra o Exercito ruso y os armenios, on fue ascendito a cheneral.

A resistencia contra os Aliatos[editar | editar código]

En 1919, en rematar a guerra, yera encargato d'organizar a desmovilización en Anatolia oriental, pero presentó a suya dimisión en o exercito y se posó en a cabeza d'un movimiento que elaboró o dito "Pacto Nacional". En ixe pacto a defensa d'a integridat d'o territorio turco yera un punto esencial.

Os nacionalistas ganoron as eleccions y un nuevo parlamento reunito en Estambul adoptó o Pacto Nacional en chinero de 1920. Manimenos una nueva mortalera d'armenios en o sudeste d'Anatolia estió enchaquia pa que os Aliatos intervenisen, ocupasen a capital y disolvesen o Parlamento turco. O movimiento nacionalista se recomposó en Anatolia. En a Grant Asambleya Nacional reunita en Ankara Mustafá Kemal consiguió convencer que esta asambleya representaba a la nación. Os nacionalistas denuncioron o tractato de Sèvres pero pa conseguir as mugas que reclamaba o Pacto Nacional heban de luitar en tres frents, a l'este contra os armenios, a lo sudeste contra os franceses que ocupaban Cilicia, a l'ueste contra os griegos.

En abril de 1920 Mustafa Kemal encomenzó negociacions con os sovieticos, que conducioron a la firma d'o tractato de Kars por o que os turcos recuperoron zonas que o Imperio Ruso heba conquiesto a os otomans como as rechions de Kars y Ardahan, pero no pas Batum, y tamién consiguioron o districto d'Igdir, (á lo norte d'o Mont Ararat), que Persia heba cedito a o Imperio Ruso en 1828.

Un alcuerdo con Francia, en octubre de 1921 significó o trazato d'a muga con Siria, y a expulsión u fuyita de quasi totz os armenios y sirians de Cilicia y Urfa. Os italians evacuoron o sudueste d'Anatolia en 1922.

Os griegos refusoron una ofensiva d'os nacionalistas turcos en chunio de 1920, a l'atro anyo tornó a encomenzar a guerra y os griegos troboron resistencia turca en Inönü en marzo y chunto a Sakaria en agosto. En 1921 os griegos d'a rechión de Trapesonda fuoron deportatos ta o sud y desaparioxon en a suya mayoría. Mustafá Kemal concentró as fuerzas lanzando una ofensiva en agosto de 1922 que derrotó a os griegos, ocupando Izmir en setiembre. En octubre firmoron una convención con os Aliatos por a que os griegos heban d'evaquar Tracia Occidental. En 1922 en ixa guerra 1.200.000 griegos de l'ueste fuyoron ta Grecia.

A nueva Turquía[editar | editar código]

Mustafá Kemal obligó a la Grant Asambleya a abolir o soldanato o 1 de noviembre de 1922. O tractato de Lausana o 24 de chulio de 1923 satisfació as pretensions d'os turcos anatolians y rumelís en a mayor part d'os puntos: en Tracia o río Maritza esdevinió a muga con Grecia. En Anatolia oriental ratificoron os alcuerdos de 1921, quedando només en suspenso a qüestión de Mosul. Por o tractato de Lausana 400.000 turcos rumelís y atros musulmans que viviban en Grecia habioron d'establir-sen en Turquía cambeyatos por 150.000 griegos que encara viviban en Turquía que se sumoron a los 1.200.000 que heban fuyito d'a zona d'Esmirna y atros. O numero de griegos forachitatos d'Anatolia se calcula en 1.600.000. Os griegos d'Estambul y os turcos de Tracia Occidental fuoron exemptos d'o tractato. Dimpués de l'aplicación d'o tractato de Lausana a población musulmana en Turquía esdevinió un 98%, a mayor part turcos.

Mustafa Kemal proclamó a Republica o 29 d'octubre de 1923 y l'1 d'octubre trasladó a capital t'Ankara, a Grant Asambleya teneba o poder lechislativo. O partito unico, dito Partito d'o Pueblo, dimpués Partito Republicán d'o Pueblo, trasladaba as directrices d'o gobierno a totz os rans d'a sociedat. A revolución kemalista se refirmó en a exaltación d'a nación turca y a laicización d'a sociedat. A principios d'a decada de 1920 o concepto de nación turca encara no yera un concepto familiar en Anatolia u Tracia. O kemalismo veyó a necesidat de recuperar a luenga turca popular pa introducir en l'amostranza primaria.

Mustafa Kemal abolió o califato en 1924, fació laica l'amostranza, eliminó o que quedaba d'a xaria en o Dreito civil, prohibió as ordens sufís, y suprimió qualsiquier referencia a lo Islam como relichión d'o Estato. Esto fació que os kurdos encomenzasen una revuelta d'inspiración relichiosa. Os kurdos fuoron adhibitos oficialment a la nación turca baixo o nombre de "turcos d'as montanyas".

En 1934 imposó a totz os ciudadans turcos o uso d'un patronimico, y a Grant Asambleya li posó o patronimico de Atatürk, "pai d'os turcos" o "turco venerable".

En 1937 Turquía firmó Pacto de Saadabad con Iraq, Irán y Afganistán, que teneba como obchectivo principal a luita contra os levantamientos kurdos.

Bibliografía[editar | editar código]

Vinclos externos[editar | editar código]


Predecesor:
creyación d'o cargo
President de Turquía
1923-1938
Succesor:
İsmet İnönü‎
Predecesor:
creyación d'o cargo
Primer menistro de Turquía
1920-1921
Succesor:
Fevzi Çakmak
Predecesor:
Ahmet İzzet Furgaç
Comandant d'o 2º Exercito
marzo de 1917 - chulio de 1917
Succesor:
Fevzi Çakmak
Predecesor:
?
Comandant d'o 7º Exercito
chulio de 1917 - octubre de 1917
Succesor:
Fevzi Çakmak
Predecesor:
Fevzi Çakmak
Comandant d'o 7º Exercito
agosto de 1918 - setiembre de 1918
Succesor:
Unidat destruita en Megiddo