Politico

De Biquipedia

Fotografía d'os delegatos d'os países d'o G20 en una sesión de treballo en Londres, o 2 d'abril de 2009.

Un o una politico ye una presona adedicata á la bida politica d'un país, ocupando-ie cargos publicos seguntes as carauteristicas d'o sistema politico d'ixe país, ye dezir, por elezión popular u por desinnazión. Autualment, á sobent o politico fa d'a Politica no nomás o suyo campo d'autibidat, sino tamién o suyo meyo de bida. D'antis más, l'exerzizio de funzions políticas, á sobent reserbato á las clases sozials dominants, no yera pas retribuyito dreitament, encara que a estensión d'o sistema politico democratico fazió dende o sieglo XIX aumentar o numero de cargos politicos y enampló tamién o sistema de retribuzión d'ixos cargos.

Autualment, en as Republicas o masimo cargo politico ye o President d'a Republica, un cargo esleyito equibalent á lo monarca u rei en as monarquías. En toz os países bi ha deputatos en o Parlamento, y tamién puet aber-ie senadors en o Senato. Puet aber-ie asambleyas rechionals, con deputatos u senadors; y tamién alcaldes y conzellers en l'Almenistrazión Local. En bels sistemas politicos mesmo cuantos cargos d'o poder chudizial son esleyitos por os ziudadans, esdebenindo asinas, en sentito amplo, cargos politicos.

Encara que o nombre y carauteristicas d'os cargos politicos son diferents seguntes cada país, beluns d'istos cargos, ocupatos por politicos, son:

• Poder lechislatibo:
  • Deputatos (estatals u rechionals).
  • Senadors (estatals u rechonals).

• Gubierno:
  • President d'a Republica.
  • Bizepresident d'a Republica.
  • Primer menistro u Chefe de Gubierno.
  • Menistros.

[editar] Enrastres esternos

• Se beigan as imachens de Commons sobre os politicos.