Trapesonda

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Trapesonda
Trabzon
Localidat de Turquía
Murallas de Trapesonda
Murallas de Trapesonda.
Estau
 • Provincia
 Turquía
Trapesonda
Superficie 4.685 km²
Población
 • Total
 • Densidat

816684 hab. (2021)
258,7 hab/km²
Altaria
 • Meyana

m.
Codigo postal 61000
Coordenadas
Trapesonda ubicada en Turquía
Trapesonda
Trapesonda
Trapesonda en Turquía
Web oficial

Trapesonda (Trapezunte en griego, Trabzon en turco) ye una ciudat d'a costa sudoriental d'a Mar Negra, capital d'a provincia de Trapesonda en Turquía. A suya población ye de 228.826 habitants[1] (2009) en una superficie de 4.685 km², con una densidat de población de 258,70 hab/km². Ha estato historicament una ciudat de población griega dica que por a guerra greco-turca y o tractau de Lausana esta minoría etnica fue forachitata de Turquía. Tamién estió historicament un punto important en o comercio internacional en estar en o camín entre Costantinoble y Persia.

Toponimia[editar | modificar o codigo]

A ciudat fue fundata con o nombre de Τραπεζοῦς Trapezus ("mesa" relacionato con a denominación d'a figura cheometrica), y a denominación podría derivar d'o releu en saso u altiplano que teneba o puesto orichinal.

Trobamos mencions a Trapesonda en o "Libro de los Emperadors", en "La Flor de las Ystorias d'Orient" y en o "Libro d'as Marabillas d'o Mundo":

apres murio et fue el(e)cto Xifilino de crapezonta de noble linage et sufficient letrado el cual ha espreciado las honores; et los deleytes mundanos & fue

en uno de los monesterios de la montanya de Olimpo, do uiuio uida solitaria muytos anyos; et seyendo alla segunt la deliberacion del enperador & de todos los ecclesiasticos como honbre sufficient et de santa uida lo an electo et feyto uenir a contastinoble; do

recibio lorde(n) patriarchal;[2]
la .viij. prouincia es clamada Ienech et aqui es la ciudat de trapassonda et aquesta prouincia sola es fecho Regno de poco tiempo aca / Car quando los seurs prendiero(n) la senyoria de turquia non podieron p[r]ender la ciudat de trapasso(n)da ni sus prouinc'ias car massa hi auia de fuertes castiellos / Et finco en poder del emperador de costantinoble ala qual el emperador auie acostumbrado de enuiar v(n) gouernador que honbre apellaua duch por gouernador de aquella tierra et sdeuino se que vno de aquellos duques se rebello contra el emperador et priso la senyoria de aq(ue)lla t(ier)ra et fizo se clamar Rey. Et aquell que tenie la senyoria de trapassonda se fizo clamar Emperador.[3]
Mas delas p(ar)tidas orientales vos fablare mas plen(n)ame(n)t ensiguient / Qui q(ue)rria donques yr vers tartaria / vers p(er)sia / vers caldea & vers jndia / el se mete en mar a Jenoa / ou a venecia / o algu(n) otro puerto q(ue) yo he deuisado p(er) aua(n)t & passa hombre la mar & aRiua hombre a trapesonda / qui es vna bue(n)a Cibdat & solia ser clamada el puerto de pons / alla es el puerto delos p(er)sanos & de

los medans & delas otras marq(u)as pardalla / En aq(ue)lla cibdat jaze Sant anastasio qui fue ob(is)po / dalixandria / et fezo este psalmo

Quicu(m)q(ue) vult saluus e(ss)e[4]

En chistabín se diz trapisondas a qui ye oportunista, negociant u "ganguero" y se relaciona con este toponimo[5]

Historia[editar | modificar o codigo]

Trapisonda en un mapa antigo d'o Caucas, impreso en Londres, arredol de l'anyo 1770.

Trapisonda fue fundada por colonos griegos orichinarios de Mileto u de Sinop, seguntes a tradición, en l'anyo 756 a. C. y fació part d'un conchunto de diez colonias en a rechión d'o Ponto.

Dimpués d'a cuatrena cruzada os griegos bizantins de Trapesonda no dependeban de Costantinoble y creyoron un estau independient, l'Imperio de Trapesonda, que no s'adhibió a l'Imperio Bizantín reconstruito d'os Paleologos y que resistió os abances d'os turcos anatolicos, estando conquiesto por os otomans bel tiempo dimpués que a mesma Costantinoble.

A población griega de Trapesonda fue forachitada en a suya mas gran part mientres a Guerra Greco-Turca y por aplicación d'o Tractau de Lausana que establiba un intercambio de población entre os musulmans de Grecia y os ortodoxos griegos de Turquía.

Referencias[editar | modificar o codigo]

  1. World Gazetteer
  2. Libro de los Emperadors
  3. La Flor de las Ystorias d'Orient
  4. Libro d'as Marabillas d'o Mundo
  5. Brian Mott Diccionario etimológico chistanino-castellano castellano-chistabino. Instiyución Fernando el Católico