Lecina

Iste articlo ye sobre una localidat de Sobrarbe. Ta atros emplegos se veiga Lecina (desambigación)

Lecina
Localidat d'Aragón
Ilesia de Lecina, consagrada ta Sant Chuan Baptista.
Entidat  • País  • Provincia  • Comarca  • Municipio	Lugar Aragón  Uesca Sobrarbe Barcabo
Población  • Total	26 hab. (2005)
Altaria	761 m.
Distancia  • 66 km  • 27 km  • 4 km	enta Uesca enta l'Aínsa enta Barcabo
Codigo postal	22348
Parroquial  • Diocesi  •Arciprestato  • Parroquia	Uesca Semontano y Sobrarbe Alquezra

Ista fuella ye escrita en baixo sobrarbés.

Lecina ye un lugar d'o municipio de Barcabo, en as tierras conoixidas como Viello Sobrarbe. A suya población actual ye de 26 habitants.

Existe la creyencia que lo toponimo Lecina ye una deformación de L'Elcina, fendo referencia enta la existencia d'una carrasca milenaria a man dera localidat.

Atras fuents consideran que ista referencia podería estar t'a perteneixencia d'o lugar a l'altiplana d'o Viello Sobrarbe, ande se i chestón as rebelions contra o poder musulmán en l'alta edat meya que rematoron con l'establimiento d'os condaus de Sobrarbe y Ribagorza baixo o cubillo d'os francos. Relacionando-lo asinas ta la simbolochía d'o Sobrarbe, y suchieren que iste podería estar o lugar ande s'apareixió (supuestament) la cruz sobre d'una carrasca que ye recordau encara hoi en o escudo d'a comarca.

Cosa que si que ye conoixida d'o lugar ye que aquí s'alzó lo monasterio d'orichen visigotico consagrau ta Sant Cucufate, d'o qualo no se i troba trazas en l'actualidat, encara que la suya ilesia prerromanica estió substituida en o sieglo XVIII por l'actual ilesia de Sant Chuan Bautista.

Explicación d'os orichens de l'actual ilesia de Lecina.

De l'establimiento y la desaparición d'iste monastirio no en bi ha guaires datos, y las trazas actuals se restrinchen ta un crismón en a paret d'a portalada de l'actual ilesia.

En iste lugar se i troba belas casas singulars: Una d'ellas ye Casa Sampietro, hoi restaurada, con a puerta prencipal d'o patio fendo forma d'arcada ochival rematada con l'escudo familiar en talla de penyas en a clau de l'arcada. As ventanetas superiors son también triballos de piadra prou buenos que estión restablitos en zagueras anyadas.

A portalada d'arcada ochival d'una de ras casas d'a localidat; Casa Sampietro.

Ista casa estió alzata en o sieglo XVI como muitas d'ixas d'a localidat.

También s'alzan en Lecina casals singulars como Casa Carruesco, d'o sieglo XV, que encara presenta la torruciella esfensiva con un matacán, como muitos de Sobrarbe, que serviva te desfensar o lugar y los intereses d'os ereus entre ixes sieglos obscuros, de bandolers y lacaillos, que estión en l'Alto Aragón entre a Baixa Edat Meya y la renaixencia.

En la redolada d'o lugar se troba, amás, la ermita romanica de Sant Martín, fendo baixada ta un d'os diversos barrancos que trascruzan os montes d'o municipio, con un cristo crucificau tallau en la clau de la puerta. Siguindo iste mesmo camino, se plega en as Esplugas de Lecina, declaradas patrimonio de la humanidat, con pinturas preneoliticas y de la edat de Bronze.

Cheograficament, iste nuclio ye l'ubicau más enta o sud de toda la comarca de Sobrarbe, y los suyos canyons y trangos (entre ellos, os canyons d'o río Vero). A espectacularidat de belunos d'istes feba que en rancar a decada d'os sixanta estase lo lugar de naixencia d'o barranquismo en a redolada.

Fiestas

• 17 de chinero; encendida de las fogueras de Sant Antón.

• 19 de chinero; encendida de las fogueras de Sant Fabián.

• Día lunes de Pentecosta (chunio); como en atros lugars de la redolada, romería ta o santuario de Santa María dera Noguera.

• 18 y 19 d'agosto, Fiasta Mayor, fendo honor ta Sant Sebastián y Sant Fabián.

• 21 d'agosto; romería enta la ermita de Sant Martín.

• 11 de noviembre; romería enta la ermita de Sant Martín.

Vinclos externos

• Se veigan as imáchens de Commons sobre Lecina.
• (es) Lecina en l'Eripol.com

• (es) Falordia de la carrasca milenaria de Lecina