Neolitico

De Biquipedia
Ir ta: navego, busca
Ferramientas neoliticas.
Estrals de piedra polita trobatos en Bretanya.
O Neolitico en Europa.

Se conoix con o nombre de Neolitico (d'o griego νέος, néos, "nuevo", y λίθος, líthos, "piedra", "piedra nueva") a una parte d'a Prehistoria (u millor d'a dita Edat de Piedra), caracterizata por o descubrimiento de l'agricultura y d'a ganadería (y con l'alazetz de l'alfarería), que ye asinas quan l'ombre esdevién sedentario. Mesmo en o suyo nombre se veye a contraposición con o Paleolitico ("piedra viella"), y o termin estió una propuesta d'o John Lubbock,[1] ta fer referencia a una traza nueva ta treballar as ferramientas en piedra, que no nomás se percutiban a golpes sino que a más se puliban.

A nueva tecnica amaneixió en Orient Proximo, dende on se difundió dica estendillar-se por tot o mundo, mica en mica. Por ixo iste periodo prencipia, seguntes os lugars, entre o 7000 aC y o 4000 aC, encara que en a redolada d'o Kurdistán ye a on se troban os chacimientos de mayor antiguidat, alto u baixo d'o 8000 aC u mesmo d'o 9000 aC. En Europa, se considera que o Neolitico prencipia arredol d'o 5000 aC.

Os historiadors consideran que o Neolitico remata quan s'estendilla a escritura y a metalurchia, estando succedito por a Edat d'o Cobre u Calcolitico, alto u baixo mientres o IV milenio aC, encara que con disparidat de calendatas seguntes cada rechión.

Os prehistoriadors dividen iste periodo en tres fases:

  • Neolitico inicial (u de fase I).
  • Neolitico meyo (u de fase II).
  • Neolitico final (u de fase III).

Se veiga tamién[editar | editar código]

Vinclos externos[editar | editar código]

Referencias[editar | editar código]

  1. J. Lubbock (1865): Prehistoric Times, Londres, Williams and Norgate.