Eripol

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Eripol
Lugar d'Aragón
Eripol
Entidat  • País  • Provincia  • Comarca  • Municipio	Lugar  Aragón  Uesca Sobrarbe Barcabo
Partiu chudicial	Boltanya
Población  • Total	11 hab. (2018)
Altaria  • Meyana	921 m.
Distancia  • 80 km  • 23 km  • 12 km	enta Uesca enta l'Aínsa enta Barcabo
Codigo postal	22348
Parroquial  • Diocesi  • Arcipestrau	Uesca Semontano-Sobrarbe
Coordenadas	42°16’39’’N 0° 4’52’’E
Eripol Eripol en Aragón

Ista fuella ye escrita en baixo sobrarbés.

Eripol ye un lugar d'o municipio de Barcabo, en Sobrarbe. A suya población yera de 11 habitants en a zaguera recensada que hi fión.

Iste lugar yera titular d'un castiello que dominaba ra altiplana d'o Viello Sobrarbe y ros trangos d'a siarra d'Olsón por a suya ubicación estratechica a l'alto d'o collau de l'Eripol

A chicorrona ilesia d'Eripol, s'alza en o puesto mas alto d'o lugar.

D'ista antiga fortificación no se'n troban si que bellas trazas de parez endazaga de l'actual ilesia.

A ilesia ye chicorrona como tot en iste nuclio, y fue construyida en a suya forma actual en meyas d'o sieglo XVI (anyadas 1559-1560), cuan por mal estau de ra viella ilesia de Sant Antón, actualment desaparexida, s'abión de recuperar os cultos a ra present. A nao tien forma de cruz latina, con altars laterals y una sacristía afechada tardanament ta l'altar prencipal.

O barrio antigo d'o lugar fa puyada enta a ilesia y ro castiello, y ye destacable ra ruralidat de tod él, con a conservación de a-saber-las trazas de l'arquitectura popular d'ista comarca. Son caracteristicas as carreras empedradas encara a l'actualidat, y bellas suportaladas con arcadas y patios d'as casas d'o lugar.

Una carrera d'Eripol, con os suyos empedraus tradicionals.

A suportalada tradicional d'una de ras casas d'Eripol.

Cheografía

Cheodesia

Bi ha un vértiz cheodesico a una altaria de 916 metros dende o livel d'a mar en un cerro que bi ha a o norte d'o lugar.

Fiastas

• Día lunes de Pentecostés (chunio); como en atros lugars d'a redolada, romería ent'o santuario de Santa María de ra Noguera.
• 13 d'agosto; Fiasta Mayor.