Exelsa

Exelsa
Municipio d'Aragón
Entidat  • País  • Provincia  • Comarca	Municipio Aragón  Zaragoza Ribera Baixa de l'Ebro
Superficie	72 km²
Población  • Total	1.205 hab. (2006)
Altaria	147 m.
Distancia  • 42 km	enta Zaragoza
Codigo postal	50786
Ríos	Ebro
Coordenatas	41°24’39’’N 0°27’14’’U
Exelsa Situación de Exelsa en Aragón

Exelsa u Xelsa (Gelsa en castellán) ye un municipio d'a provincia de Zaragoza, situato en a Ribera Baixa de l'Ebro. A suya población ye de 1.205 habitants (2006), en una superficie de 72 km².

Cheografía

Ye situato chunto a lo río Ebro, en a ripa cucha u norte.

Mugas

O suyo termin municipal muga con Viliella d'Ebro, Quinto, Pina d'Ebro y Sastago.

	Pina d'Ebro
Quinto		Sastago
	Viliella d'Ebro

Historia

O feito que trobemos apedecamientos romans y una losa dedicata à la diosa Obana mos fa pensar que a ciudat romana de Lepida Celsa plegase ta l'actual Xelsa y no nomás estase que en o términ de Viliella d'Ebro on trobamos o principal chacimiento.

O 17 de chinero de 1301, o rei Chaime II y os calatravos d'Alcanyiz se cambeyan Exelsa y o Castiello de Bexix, que pasa a lo rei.

Vel cui voluerit loco sui, possessionem et quasi possesionem castri et villa de Exelsa....dedit et permutavit com omnibus terminis et pertenenciis suis pro predicto castro et villa de Excelsa.

Toponimia

Puede tener relación con a colonia romana Lepida Celsa. Pareixe una evolución de Celsa con Ex debant como en Ex Sarmentu > Xarmiento. En un texto meyeval d'os sieglos XII-XIII sale como Exelsa y Excelsa. N'un documento de l'Archivo de la Corona d'Aragón de 1431 en aragonés, confirmato por atro de 1432 en latín, s'escribe Xielsa chunto con atras posesions de los Luna que o rei Pero IV cede en 1383 a Ferrer de Lanuza.

En a Cronica d'os Chudeces de Teruel s'escribe Exielsa en un feito relativo a 1348:

fendo estas execuziones don Pero Cornel qui era de la hunion, fuese con partida de los de Çaragoza a Exielsa crebó las ayoras talló la huerta, de Villena, qui era del dito don Lope; los que eran dentro Exielsa mataron; fueron grandes gentes de los de Caragoza que en barcas los puyaron Ebro asuso.

Tamién s'escribe Xielsa en o Fogache de 1495.

En o sieglo XVII s'escribe Xelsa.

En toponimia menor destaca o pilón de las lebatas y o Varello Cochín, con a perduga d'a -o final que yera mas común en l'aragonés d'antismás.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									5
Partido de los Socialistas de Aragón									4
Total									9

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	José Miguel Almorín Roche	Partido Aragonés

Molimentos

• Ilesia parroquial.
• Ermita d'a Virchen d'o Buen Suceso.
• Monasterio d'a Purisma Concepción y d'a Santa Espina, feito con piedras de l'antiga Lepida Celsa.

Fiestas

• Sant Per Mártir, 29 d'abril.
• Sant Isidro Labrador, 15 de mayo.
• Virchen d'o Buen Succeso, 8-10 de setiembre.

Vinclos externos

• www.Gelsa.es