Esparberet
De Biquipedia
| Esparberet | ||||||||||||||||
|---|---|---|---|---|---|---|---|---|---|---|---|---|---|---|---|---|
 Debuixo d'as diferents formas de l'esparberet (Accipiter nisus) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Accipiter nisus | ||||||||||||||||
| Linnaeus, 1758 |
l'Esparberet, u més zerterament astoret (Accipiter nisus (L., 1758)), tamién dito esparbero perdiguero, ye un abe rapiñadora de dimensions chicas d'a familia d'as aczipitridas, cazataire de bosque espezializata ta capturar muixons més chicoz que ela.
As suyas colors son foscas per alto, per l'usual grisas, e blancas con rayetas negras per a tripa en as fembras, estando soztituita la tonalidat blanca per una de més royenca en os masclos. As fembras plegan t'as midas més grans, como en a més gran parti d'as rapiñadoras, estando las midas carauteristicas d'a espezie d'entre es 27 e 37 cm de lonchitut. Ye asinas a segunda rapiñadora més chicota d'Eurasia dezaga d'o ziquilín.
Ye una espezie autoctona d'Eurasia e d'o norte d'Africa, trobando-se per un regular en as selbas biellas, d'as cuals ne triga las coniferas ta fer-be os niedos, que son arrondolatos, d'una arquiteutura prou més treballata que no en altras espezies, fetos de branquetas e plomas. A fembra fica os 4 u 5 uebos con interbalos de 3 u 4 días d'entre els, e n'empezipia la incubazión á partir que n'ha ficato lo terzer. A bestia s'está cluecata dica o 35eno día, cuan gosa aber-ne amaneixito lo primer u primers pollez. Os siguients pollez ixen en os días siguients. O plomache d'os chobens ye completero ta lo 28eno día d'a suya bida, pero no rematan ta rebolar-se dica lo 32eno u cosa asinas. D'ixa traza, os pollez abandonan o niedo pero encara s'están belas semanas de més pendiendo d'os suyos pais ta que els alimenten.
[editar] Se beiga tamién
[editar] Enrastres externos
Biquiespezies tien un articlo sobre Accipiter nisus.
Se beigan as imachens de Commons sobre l'esparberet.
