Branca
De Biquipedia
En aragonés, una branca ye la parte toba sin crosta ni croster en o trallo de muitas plantas, como ye l'estremo poco leñoso d'as ramas d'árbols e arbustos per á on creixen as fuellas, u lo trallo enter en as plantas erbázias (no leñosas). En as plantas leñosas, se i dizen brancas as «rametas» nuebas, més finas, que encara no be han puesto formar crosta, e que percullan («brotan») secundariament d'as ramas (ya leñosas, con crosta).
A palabra tiene importanzia en a bita tradizional d'os nuclios ganaders perque bels árbols tienen a follamen comestible e tradizionalment se les podeban cullir as brancas ta dar-le-ne á lo bestiar de ferraina cuan faltaba pastura. Tamien cuan se poda (p. ex. en os frutals) s'ha de parar cuenta perque en las brancas ye á on se conzentran os meristemos (puntos de creiximiento en as plantas) e si s'ixarraman no i pueden escapar més per la branca d'á on s'aigan quitato.
O termino percullo, u tamién dito fillo, fa referenzia á las brancas que escapan en a base d'o tranco u en as benas superfizials de cualques espezies d'árbols, como la fiquera u l'abellanera.
[editar] Se beiga tamién
