Vechetación mediterrania

De Biquipedia
Ir ta: navego, busca
A vechetación mediterrania arredol d¡o mundo.

A vechetación mediterrania se caracteriza por a suya adaptación a los veranos calorosos y xutos d'o clima mediterranio. En a mayor parte d'a superficie de clima mediterranio a vechetación potencial ye a selva mediterrania, dominata por anchiospermas con fuella esclerofila como a carrasca. Sindembargo tamién bi ha maticals mediterranios y estepas mediterranias, que s'han estendillato muito a costa d'as selvas por l'acción humana. Os cultivos mediterranios tamién han ocupato muito espacio d'a superficie d'antigas selvas mediterranias.

As selvas esclerofilas mediterranias compiten en totz os pisos bioclimaticos con selvas de coniferas tamién adaptatas a lo clima mediterranio y que l'hombre ha aduyato a estendillar-se.

Quan o clima, o suelo u l'acción humana no permiten a formación d'una selva trobamos un matical mediterranio, dito garriga en catalán, maquis en francés, y "matical" a secas en aragonés.

En puestos muito aridos a man d'os desiertos subtropicals como o desierto d'o Sahara u zonas interiors con clima mediterranio subdesertico ye posible trobar formacions herbacias ditas "estepas mediterranias", como ye o caso d'os Monegros y atras partes d'o sector central d'a Depresión de l'Ebro.