Buro

De Biquipedia
Ir ta: navego, busca
Chent mesa dintro d'un bural.

O buro ye lo sedimento caracteristico d'as tierras embadinatas, que de regular tiene particlas minerals, coloides y particlas que provienen d'a materia organica descomposata que se i troba en suspensión. Se destingue de lo bardo per la superior cantidat d'augua, y de lo limo per estar producto de l'acumulación de materials en o propio puesto, sin que haiga calito d'arrocegar-los (como con un corso d'augua) ta que s'acumulesen en bell altro puesto como lo limo.

A sobén, o buro u las auguas burencas (u burosas) sirven bien d'environe ta qualques tipos de sers vivos, que i troban sostento y cubil ta amagar-se-ie. Qualques presonas creyen que lo buro tiene propiedatz positivas ta la piel y lo cuerpo, y qualcuns dica practican banyos de buro per razons esteticas y de salut.

En as construccions tradicionals, o buro s'emplegaba como argamasa d'entre las piedras picatas d'as paretz, ta privar que correse l'aire per os foratos d'entre ellas, y tamién, ta dar-le solideza a os tarannatos de lastons en os sulers y la parte interior d'os lenatos, pos con ixo se feba la estructura interior d'as cubiertas d'as edificacions. A plasticidat y modeyabilidat d'o buro fresco lo feba muito important ta ixas fayenas y tamién ta reboquinar l'interior d'as edificacions, fendo en puestos on no b'heba guaire calso u facilidat ta obtener-ne, la función d'ixe altro material en as paretz.

Se veiga tamién[editar | editar código]