Baxo Aragón-Casp

De Biquipedia

Iste articlo trata sobre a comarca Baxo Aragón-Casp. Ta atros emplegos se beiga Baxo Aragón (desambigazión).

Baxo Aragón-Casp Bajo Aragón-Caspe Baix Aragó-Casp

Mar d'Aragón
Estato	{{{estato}}}
País	Aragón
Territorio	{{{territorio}}}
Comunidat autonoma	{{{ccaa}}}
Probinzia	Zaragoza
Capital	Casp
Mayor poblazión	{{{mayor_poblazión}}}
Monezipios	6
Superfizie	997,3 km²
Poblazión Densidat	12.604 ab. 12,63 ab./km²
Pachina web	Pachina ofizial

O Baxo Aragón-Casp (en castellán Bajo Aragón-Caspe; en catalán Baix Aragó-Casp) ye una comarca aragonesa situada en a probinzia de Zaragoza. Destaca l'agricultura adedicada a la produzión de l'azeite d'oliba. En ista comarca se troba o entibo de Mequinenza, dito tamién Mar d'Aragón por a suya gran amplaria.

Muga á lo norte con os Monegros y a Zinca Baxa, á l'ueste con a Ribera Baxa de l'Ebro y o Martín Baxo, á lo sur con Matarraña y Baxo Aragón y á l'este con Lleida y Tarragona.

Capital: Casp
Superfizie: 997,3 km²
Poblazión: 12.604 abitans

Ye una comarca de rezién creyazión. Han tenito problemas entre los conzellos pa trobar un nombre comarcal. De feito o Baxo Matarraña forma una entidat cheografica, cultural y lingüistica propia, una redolada natural (Maella, Fabara, Nonasp, Faió y mesmo Mequinenza), con relazions humanas con a Terra Alta catalana. Casp tiene más relazión economica con Alcañiz, sobre tot dende que Alcañiz ha puyato de poblazión y Casp ha baixato. O termino munizipal de Casp ye gran y i esistiban nuclios de poblazion ya desaparexitos.

Dende o punto de bista linguistico son curiosas as islas linguisticas prou diferens de os de a comarca, o chipranesco en o costato castellanofablán, con carauters sobrarbeses, y en o costato catalánofablán o maellano (maellà), con carauters ribagorzanos y balenzianos. En Casp o castellán tiene muito sustrato aragonés, pero tamién muitos catalanismos, y en Fabara son presens bels carauters que no son chenerals en l'alto Matarraña, pero que se troban millor á l'este y á o sur d'esta comarca bezina.