Avena (chenero)

De Biquipedia
Ir ta: navego, busca
Avena
Avena
Avena
Clasificación scientifica
Dominio: Eukaryota
Reino: Plantae
División: Magnoliophyta
Clase: Liliopsida
Orden: Poales
Familia: Poaceae
Subfamilia: Pooideae
Chenero: Avena
Especies
  • Avena abyssinica
  • Avena barbata
  • Avena brevis
  • Avena fatua
  • Avena maroccana
  • Avena nuda
  • Avena occidentalis
  • Avena pubescens
  • Avena pratensis
  • Avena sativa
  • Avena sterilis
  • Avena strigosa

A Cebata (tamién -ada, Sebau en cheso) ye lo nombre popular d'as especies de plantas graminias drento de lo chenero Avena, caultivatas como alimento ta las presonas y os animals domesticos. As especies más caultivatas son Avena sativa y Avena byzantina.

No precisa de tanta calor y insolación como lo trigo u l'hordio, y per ixo se caultiva en paises de climas fredos. Amás, se desarrolla sin d'infeccions funchicas anque lo clima bi seiga humido. Ixas cosas fan que os puestos a on más a ormino se cría seigan os países d'Europa septentrional y atlantica. En Iberia sole amaneixer en as marguins de camins y esporadicament en os campos caultivatos d'altras plantas.

O chenero ye orichinario d'Asia, y fue introdueito en Europa a traviés d'os Balcans. Anque en o Mediterranio no se i caultivó tanto como en o continent oriental, en Asia y especialment en o suyo sur-este se produciban historicament toneladas d'este producto. En Europa central y septentrional s'han trobato restas que permiten concluyir que ya se i caultivaba en a Edat de Bronze.

O grano d'a cebata ye más rico en minerals que no altros cerials, incluindo-be una important diversidat de metals prencipals en a dieta humana: sodio, potasio, calcio, fosfro, magnesio, fierro, ecetra. Contiene tamién una important diversidat de vitaminas.

As plantas d'este chenero tienen venas reticulars numerosas (más que no en altros cerials) y lo trallo dreito y alto (dica 1'50 m) en especies arquetipicas como Avena sativa. Especies más chicotas en Aragón se i dicen belluecas. Son eixemplos d'este tipo de cebatas l'Avena sterilis u Avena strigosa, que no gosan creixer más de bells 2 u 3 palmos d'altas.

A destribución d'as semients en a planta adulta i ye caracteristica: A fructificación se produce frormando una panicula (ixo ye, un carrazo disperso) y cada semient se troba alpartata individualment d'entre dos bractias (ditas glumelas). l'Aspecto fisico que en resulta ye bien reconeixible y caractersitico d'as especies d'Avena.

Os grans d'Avena sativa, con as suyas glumelas carateristicas

.

Vinclos externos[editar | editar código]