Río de Rubiuelos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Río de Rubiuelos Río de Rubielos
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	m
Naixedero	El Quarto (Nogueruelas, Teruel)
Desembocadura	Foces de Millars (Olba, Teruel)
Superficie d'a cuenca	km²
Cabal meyano	m³/s
Mapa
Río de Rubiuelos en Aragón

Lo río de Rubiuelos u Rubielos ye un curso fluvial de la cuenca hidrografica de Millars que tiene lo suyo naixedero en El Quarto (sierra de Nogueruelas), traviesa los termins municipals de Nogueruelas y de Rubiuelos, fa de muga entre lo termin d'esta zaguera localidat y lo de Fuents, s'estretix entrando en lo termin municipal d'Olba, y caye en Millars en las Foces de Millars cerca de La Tosca.

Traviesa en dirección Norte-Sud unas sierras menors de la subunidat Chaparral-Nogueruelas de las serranías de Gúdar encaixando-se, deixando-las pa entrar en la fondada de Rubiuelos, que fa part de la depresión tectonica de Rubiuelos, encara de la unidat morfoestructural de las serranías de Gúdar. La erosión producida por lo Rubiuelos ha vuidau part de los materials sedimentarios miocenos d'esta fondada gran. Lo cabaixo de la cuenca hidrografica d'este río en contacto con lo río Millars ye una foz gran que perteneixe morfoestructuralment a la depresión de Sarrión, la unidat que desparte las serranías de Gúdar de lo macizo de Chabalambre.

Hidronimia

L'hidronimo río de Rubiuelos fa referencia a la principal localidat travesada por este curso fluvial. Lo primer tramo en la sierra de Nogueruelas recibe la denominación de barranco Vaquero.

Se documenta un río de Rubielos en lo pleito sobre las primicias de Rubiuelos y Fuents (1339):

Del rio de Rubielos que entra en rio de Mijares do afronta el barranco de la Justa et comienza el cerro de la loma de los Coscojares de Cañada Juncosa et el cerro a suso mirant el regajo y pinares del termino de Fuentes, et acude a la carrera do soman los de Fuentes a Cañada Juncosa, asin como aguas vierten et sallen por la carrera adelant por el pinar et el pinar a suso por media la loma, et suso a la Cruz de Piedra en a ojo de Fuentes et de la Cruz salle dreyta via enta la talaya de Monçon fasta el cerro que es en a ojo del Mas de Don Lloca, et el cerro suso fiere a la fuent del barranco de la Tosca et el barranco a suso fiere al rio d'Erche,

Bibliografía

• (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43–148.
• (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
• (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
• (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.

• Datos: Q23993142