Río d'Alcalá

De Biquipedia
(Reendrezato dende Río de Valbona)
Ir a la navegación Ir a la búsqueda
río d'Alcalá
Administración
Estatos {{{estatos}}}
Territorios Flag of Aragon.svg Aragón
Cheografía
Longaria  km
Altaria d'o naixedero 1.570 m
Naixedero Collau d'el Buei (Alcalá de la Selva, Teruel)
Desembocadura río Millars (Valbona, Teruel)
Superficie d'a cuenca km²
Cabal meyano m³/s


Lo río d'Alcalá u río de Valbona ye un curso fluvial de la cuenca hidrografica de Millars considerau dica 1955 lo primer tramo d'este río.[1]

Naixe en lo Collau d'el Buei (Alcalá de la Selva)[1]. Desaugua la versant meridional de la sierra de Mont Negro y la versant oriental de la sierra d'el Chaparral.

Traviesa los termins municipals d'Alcalá de la Selva, Cabra de Mora y Valbona, a on que complega con lo río de Cedriellas.[1]

Hidronimia[editar | editar código]

Este río recibe lo nombre de río d'Alcalá dende lo suyo naixedero dica Cabra de Mora y río de Valbona dende Valbona dica lo suyo forcallo con lo río de Cedriellas. En un texto escrito en latín medieval, se fizo mención d'este río quan lo rei Chaime I d'Aragón confirmó los termins de Sarrión lo 19 de marzo de 1258:

...sicut vadit ad Pilam, et usque ad Carrellum, et usque ad rivum de Alcalano, tam citra rivum quam ultra usque ad terminum More, sicut descendit rivus usque ad fontem del Babol, et ab ipso fonte usque ad fondos de los Sagradedos usque ad sumitatem pinarii...[2]

Las mugas nordorientals de lo termin municipal se situan auguas enta baixo de lo forcallo entre los ríos de Cedriellas y d'Alcalá, lo que amuestra que los habitadors medievals de la depresion de Sarrión consideraban como principal lo segundo curso d'augua.

Lo río d'Alcalá se consideraba por la suya longaria u por lo suyo cabal lo primer tramo de lo río Millars dica mitat de lo sieglo XX. La construcción de lo entibo de Valbona en 1955 fizo que se reconsiderás qual yera lo primer tramo de Millars, considerando-se que yera lo río de Cedriellas.[1]

Referencias[editar | editar código]

  1. 1,0 1,1 1,2 1,3 (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43-148.
  2. (ca) Enric Guinot: Els límits del regne, el procés de formació territorial del País Valencià Medieval (1238-1500). Edicions Alfons El Magnànim. 19956 p 62.

Bibliografía[editar | editar código]


Ríos de la cuenca hidrografica de Millars
Marguin izquierda Cedriellas | Alcalá | Mora | la Pila | Rubiuelos | Erch | Cortes | Linars | la Viuda
Marguin dreita Penyaflor | Albentosa | el Barruezo | Montán | Chico