Cuart de la Uerba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cuart de la Uerba
Municipio d'Aragón
Entidat  • País  • Provincia  • Comarca	Municipio  Aragón  Zaragoza Comarca Central
Partiu chudicial	Zaragoza
Mancomunidat	Central
Superficie	8,9 km²
Población  • Total	14 701 hab. (2013)
Altaria  • Meyana	299 m.
Distancia  • 6 km	enta Zaragoza
Alcalde	Jesús Pérez Pérez
Codigo postal	50410
Parroquial  • Archidiocesi  • Arcipestrau  • Parroquia	Zaragoza Carinyena-Muel Santa Cruz
Coordenadas	41°35’36’’N 0°56’19’’U
Cuart de la Uerba Cuart de la Uerba en Aragón
Web oficial

Cuart de la Uerba (Cuarte de Huerva en castellano) ye una localidat y municipio aragonés situau a lo sud de la Comarca Central, en la provincia de Zaragoza.

La suya población ye de 14 701 habitants, en una superficie de 8,9 km².

Cheografía

La localidat de Cuart de la Uerba ye situada a 299 metros d'altaria dencima de lo livel d'a mar, a una distancia de 6 km de la ciudat de Zaragoza, la capital de las suyas comarca y provincia y d'Aragón.

La part viella ye en un mont chesoso con cima en la talaya de Cuart. En los tiempos de bambolla immobiliaria de Zaragoza (primera decada de lo sieglo XXI), lo desembolique urbán rapido y no controlau ni res ha feito que s'haiga formau una zona nueva en lo mesmos cauz y cono de dechección d'una rambla y por la mesma ribera de la Uerba, en zonas de claro risgo d'inundacions, (y d'inundacions lampedo). Tamién han construito casas baixo cinglos chesosos, con claro risgo d'esbalzadas.

Toponimia

De lo latín Quartus, que indica que i yera lo miliario Quartus de la Via Romana Laminium dende Zaragoza. Lo emplego de Cuarto como microtoponimo se troba a sobén en la val d'Ebro, pero con atro significau, como los terrenos que salen de dividir una zona pa vender las pasturas: Cuartillo de las Cabras (Andosiella), Cuarto Chico (Cadreita), Cuarto la Carne (Pedrola), Cuartos (Zaragoza), Cuarto (Fuents d'Ebro), Cuartona (Viliella d'Ebro).

En lo periodo andalusí ye documentau como Qwart con la categoría de tali ("talaya"). L'autor Ibn Hayyan feba mención que se trobaba a "4 millas de Saraqusta".

En 1180 ya ye documentau como Cuart, pero en textos latinos de lo monesterio de Veruela de 1247 ye mencionau como Cuarto: castrum et villam de Cuarto. Bi n'ha referencias como Cuart de la ribera de la Huerva (1361):

Ffeyto en Çaragoça XXVIIIº días del mes de ffebrero. Como yo, Çalema de la Puerta, moro de Cuart de ribera de la Huerba, atorgo aver avido e recebido de vos, Blasco Aznárez de Borau, sozcambrero del Sennyor Rey e obrero de la obra del Aliafaría de Çaragoça por aquel a mí dar e pagar deviades por razón de XXIIIº [barrado: sueldos] almodís de aljenz que yo vendié a vos pora huebos de la obra de los oratorios de la codigo_postalpiella nueva, yes a ssaber, a precio de Vº sueldos VIIIº dineros jaccenses cada un almodí possado dentro en la dita Aliafería. Et porque de los ditos CXXXVI sueldos me atorgo de vos seer pagado, por esto fago vos end fer aquest present público albarán a todos tiempos valedero. Ffeyto día e anyo ut supra. Testes son d’esto Domingo Liminnyana e Mahoma del Alamín, moro de Cuart, habitantes en Çaragoça.

La denominación Cuarte de la Huerva ha teniu uso en castellano encara en 1847.

Bi ha microtoponimos intresants en aragonés como El flum.

Historia

En o sieglo XV perteneixeba a la Castellanía d'Amposta.

Demografía

Evolución demografica

1362 f 1495 f 1842 1857 1860 1877 1887 1897 1900 - - 203 329 342 285 283 239 273

1910 1920 1930 1940 1950 1960 1970 1981 1991 296 291 261 325 386 481 730 1.136 1.369

1992 1994 1996 1997 1998 1999 2000 2001 2002 1.385 1.520 1.720 - 1.746 1.760 1.847 1.953 2.041

2003 2004 2005 2006 2007 2008 2009 2010 2011 2.249 2.582 3.078 3.837 4.726 6.404 7.687 8.658 9.564

2012 2013 2014 2015 2016 2017 2018 2019 2020 10.394 11.043 11.589 12.141 12.581 12.862 13.055 13.303 13.773

2021 2022 2023 2024 2025 2026 2027 2028 - 13.773 14.169 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Partido Aragonés	-	-	-	5	4	5	6	6	8	8	6
Partido de los Socialistas de Aragón	-	1	0	3	2	3	3	2	1	2	4
Ciudadanos	-	-	-	-	-	-	-	-	-	2	2
Partido Popular	-	-	-	1	0	1	1	2	3	2	2
Vox	-	-	-	-	-	-	-	-	-	-	2
Chunta Aragonesista	-	-	-	-	-	0	1	1	1	2	1
Partido Comunista de Aragón / Izquierda Unida	3	1	2	0	1	0	0	0	-	0	0
Aragón Sí Puede	-	-	-	-	-	-	-	-	-	1	-
Independients	0	7	2	-	2	0	-	-	-	0	-
Unión de Centro Democrático	1	-	-	-	-	-	-	-	-	-	-
Total	4	9	4	9	9	9	11	11	13	17	17

Alcaldes

Lista d'alcaldes

Lechislatura	Nombre	Partiu politico
1979–1983	Jesús Buil Gajón	Independient
1983–1987
1987–1991	Jesús Pérez Pérez	Partido Aragonés
1991–1995	Jesús Pérez Pérez	Partido Aragonés
1995–1999	Jesús Pérez Pérez	Partido Aragonés
1999–2003	Jesús Pérez Pérez	Partido Aragonés
2003–2007	Jesús Pérez Pérez	Partido Aragonés
2007–2011	Jesús Pérez Pérez	Partido Aragonés
2011–2015	Jesús Pérez Pérez	Partido Aragonés
2015–2019	Jesús Pérez Pérez	Partido Aragonés
2019–2023	Jesús Pérez Pérez	Partido Aragonés
2023–2027	Elena Lacalle Oreja	PP

Esporte

• Lo fútbol ye representau por lo Club Deportivo Cuarte Industrial.

Instalacions esportivas

• En iste municipio ye situada la Ciudat Esportiva de lo Real Zaragoza.

Fiestas

• 29 de chinero, Sant Valero.
• 26 de chulio, Santa Ana.

Se veiga tamién

• Lista de municipios de Zaragoza.

Vinclos externos

• Sitio web oficial.

• Datos: Q1629930
• Multimedia: Cuarte de Huerva / Q1629930