Abozo

De Biquipedia
Ir a la navegación Ir a la búsqueda
Una mata d'abozos, de a especie Asphodelus aestivus.

O termin abozo (d'o latín <ALBUCEU[1], «blanquinyoso») designa popularment a qualques especies de plantas liliopsidas bulbosas con florada primeral u estival, especialment as xantorroacias de o chenero Asphodelus, que tienen a flor blanca.

Anque pareix que a etimolochía d'a parola abozo («albucēu» significa "blanquinyoso") suchiere que orichinalment no s'aplicaba si que a plantas de flor blanca, en l'aragonés actual (sobre tot en a parla de bells puestos) a voz ha sufierto una cheneralización de o suyo significau y se puede sentir emplegada ta nombrar virtualment a qualsiquier planta bulbosa con flors vistosas, tanto cautivada y ornamental como silvestre, y de forma independient d'a color que tiengan as flors.

Un exemplo de flors que eventualment se pueden sentir como abozos son os lirios de flor morada que abundan en os cimenterios (Iris germanica).

Especies[editar | editar código]

Variants d'o fitonimo[editar | editar código]

A parola «abozo» s'ha documentau como agozo en Luesia (Cinco Villas) y en Ansó (Chacetania).[2] As formas albezo u albezón pareix que son más propias d'as comarcas orientals de l'Alto Aragón. Se documentan en Fonz, en Estadiella, en Chistén, en Benás y en Sant Feliu de Veri[2]. A forma arbezón s'ha documentau en Chía[2].

Referencias[editar | editar código]

  1. (es) Voz «Abozo» en a edición en linia de o Diccionario de la Real Academia Española; consultau o 8 d'abril de 2012
  2. 2,0 2,1 2,2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Se veiga tamién[editar | editar código]