Sorbus aria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

*Sorbus aria*
Sorbus aria
Denominacions populars
aliquera, liquera, bucera, moixera, moixero, moixiliquera, moixonera, mostachera, mostallonera / moscallonera, mostallonero / moscallonero
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Rosales
Familia:	Rosaceae
Subfamilia:	Maloideae
Chenero:	Sorbus
Especie:	S. aria
Descripción
*Sorbus aria* L., 1758

A moixera^[1]^{[nota 1]} u mostallonero^{[nota 2]} (cientificament Sorbus aria (L., 1758)) ye una especie d'árbol de fuella caduca en o chenero Sorbus, d'a familia d'as Rosaceae, anque a sobén se manifiesta só que como arbusto. Tamién se diz aliquera^[1]^{[nota 3]} y bucera^[1].

Ye un árbol de chicota mida (no pasa d'os 14 metros d'altaria), con a crosta tierca de color blanquinosa. As fuellas son ovals, simples (ixo el fa diferent d'altras especies en o chenero Sorbus, que las i tienen composatas) cadaguna con l'envés de color blanca per a tomentosidat (cerruta, de pel) que tienen, que en conchunta con as flors (chiquetas y blancas) le dan a l'árbol un aspecto archentato (per ixo l'apelativo cientifico d' aria). Os fruitos («moixes» u «mostallons») tienen poca sabor, y fan a boca enfarinata cuan se minchan.

Ye la menos desichent d'as especies de Sorbus que sen puede trobar en Aragón, y per ixo ye la menos restrinchita a garra puesto concreto, podendo-se-ne trobar en totas as sierras fendo parte d'a flora tipica d'o mont mediterranio, dende lo nivel d'a mar dica os 1700 metros d'altitut. En os puestos mes hostils no gosa desarrollar-se dica l'estato d'árbol y se i manifiesta mes a sobén como arbusto. Ixa ye la presencia mes regular en Aragón. A madera, que ye de color royisca, la fa bien dura y per ixo ye una especie muit quiesta ta fer-ne ferramientas.

Imáchens

Vinclos externos

Wikispecies tiene un articlo sobre Sorbus aria.
Se veigan as imáchens de Commons sobre Sorbus aria.

Notas

↑ Termino que con as suyas variants predomina en a metat oriental de l'Alto Aragón. P. ex. Vidaller (2004) troba «moisera» en Bonansa, Castanesa y Espés (tres nuclios de l'Alta Ribagorza catalanofona), «moixera» en tot de lugars per l'Alta Ribagorza aragonesofona, pero tamién en Sobrarbe, como Plan (val de Chistau), As Corz (val d'A Fueva) y dica Torla (val de Broto, en l'estremo occidental d'a comarca (!!)), «moixero» en Benás, «moixonera» en Renanué (val de Benás) y «moxera» en Bió, Buerba, Nerín y Sercué (val de Vio), Oto y Fraixén (val de Broto), totas ellas en Sobrarbe. Se puede observar como totas son mes proximas en a suya equivalent catalana, «moixera». Tamién existe a variant moixiliquera. Datos estraitos de VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7
↑ Termino que con as suyas variants predomina en l'aria de l'aragonés occidental. P. ex. Vidaller (2004) troba «moscallonero» en Ansó, «mostachero» en San Chuan d'a Penya, «mostallonero» como cheneral en a Chacetania (d'alcuerdo con Andolz entre altros) y «mostayonero» en Pandicosa, en l'Alto Galligo. Se puede observar como totas son mes proximas en a suya equivalent castellana, «mostajo». Existen tamién as variants femeninas mostallonera, moscallonera y mostachera. Datos estraitos de VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7
↑ Con a variant liquera

Referencias

1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Datos: Q157960
Multimedia: Aria edulis / Q157960
Especies: Sorbus aria

[2] Termino que con as suyas variants predomina en a metat oriental de l'Alto Aragón. P. ex. Vidaller (2004) troba «moisera» en Bonansa, Castanesa y Espés (tres nuclios de l'Alta Ribagorza catalanofona), «moixera» en tot de lugars per l'Alta Ribagorza aragonesofona, pero tamién en Sobrarbe, como Plan (val de Chistau), As Corz (val d'A Fueva) y dica Torla (val de Broto, en l'estremo occidental d'a comarca (!!)), «moixero» en Benás, «moixonera» en Renanué (val de Benás) y «moxera» en Bió, Buerba, Nerín y Sercué (val de Vio), Oto y Fraixén (val de Broto), totas ellas en Sobrarbe. Se puede observar como totas son mes proximas en a suya equivalent catalana, «moixera». Tamién existe a variant moixiliquera. Datos estraitos de VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7

[3] Termino que con as suyas variants predomina en l'aria de l'aragonés occidental. P. ex. Vidaller (2004) troba «moscallonero» en Ansó, «mostachero» en San Chuan d'a Penya, «mostallonero» como cheneral en a Chacetania (d'alcuerdo con Andolz entre altros) y «mostayonero» en Pandicosa, en l'Alto Galligo. Se puede observar como totas son mes proximas en a suya equivalent castellana, «mostajo». Existen tamién as variants femeninas mostallonera, moscallonera y mostachera. Datos estraitos de VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7

[4] Con a variant liquera

[DACC-1] 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]

[nota 1]

[nota 2]

[nota 3]