Sorbus

Sorbus
Sorbus aucuparia
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Rosales Familia: Rosaceae Subfamilia: Maloideae Chenero: Sorbus L., 1758

O chenero Sorbus perteneix a la familia d'as rosacias y tien una taxonomía complexa, comprendendo d'entre 100 y 200 especies d'árbols y arbustos (bells autors lo dividen tamién en subcheneros), que en Aragón se solen decir «cerolleras» de maniera inespecifica, pero que se'n conoix tamién a forma serbera. Tiene qualques especies presents en Europa y freqüents en as selvas caducifolias.

O numero exacto d'especies que comprende ye una incognita perque qualcuns d'os miembros d'o chenero a sobén se troban reproducitos per apomixis (ixo ye, una forma de reproducción asexual que da plantas cheneticament identicas a la mai) que heban permeso de prener-ne prou «eixemplars tipo» como ta definir una especie seguntes que os criterios taxonomicos establitos; y tradicionalment s'han quiesto tractar como especies diferents anque en l'actualidat s'esté demostrando que no'n son.

Son especies que gosan habitar un espectro amplo de puestos, con suels humedos, en altitutz dende lo nivel d'a mar dica os 2000 metros d'altitut, pero como se reproducen per dispersión d'as simients con os animals que se minchan o fruito, apareixen anisolatos, no formando nunca selvas propias. Os fruitos, tan caracteristicos, como lulos quasi siempre royos u rusiencos, se dicen popularment cerollas (nombre inespecifico ta diferents tipos de fruitos) u més propiament ditos serbas u serbos.

Vinclos externos

• Wikispecies tiene un articlo sobre Sorbus.
• Se veigan as imachens de Commons sobre Sorbus.