Alaudidae
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Alaudidae | |
|---|---|
.jpg) | |
| Denominacions populars | |
Alaudidas, alaudidos
| |
| Clasificación cientifica | |
| Eukaryota | |
| Animalia | |
Filo:
|
Chordata |
| Aves | |
| Passeriformes | |
| Alaudidae | |
As alaudidas (nombre cientifico Alaudidae) son una familia d'aus en a orden paseriformes que comprende diferents tipos de paixaros que se conoix con diferents nombres coloquials como alodas, cogulladas y calandrias.
Descripción
[editar | modificar o codigo]De regular, as alaudidas son paixaros de mida chica, d'entre 10 y 23 cm de largo, con colors mimeticas en tonos marrons. A mayoría d'especies tienen en o tozuelo una cresta de plumas que debantan y acochan a voluntat, lo que las fa de buen distinguir.
Son muit capables pa volar, y habitan lo mas tipicament en campo ubierto y extensions de hierba, mesmo en campos agricolas, y en zonas semi-deserticas. Son bien adaptadas a desplazar-se por tierra: tienen o dido zaguero d'as zarpetas mas robusto y tierco que atras paseriformes, millor adaptadas a la prensión contra una rama, y no lo gosan poder doblar bien. Por ixa razón s'estiman mas posar-se sobre superficies amplas (como una penya, un muro, as latas d'una cleta, una toza, etc.) que alto d'un palo a modo de percha como lo fan atros paixaros.
Solen estar aus muit vivas y cantaderas, y fan cantos sonors y melodioss a mayoría d'els. As paradas nupcials son vistables, y incluyen exhibicions destacadas de volar y de cantar, de regular sobre o mesmo campo u espacio ubierto que o masclo haiga triau como territorio de reproducción. Ocasionalment se pueden barallar pa defensar o territorio entre a temporada reproductiva. Tipicament nidifican en o suelo, entre a hierba.
Alimentación
[editar | modificar o codigo]As alaudidas son omnivoras y s'alimentan de simients y d'insectos, anque tamién pueden consumir atros productos vechetals como fruitos y follas. A cantidat de cada tipo d'alimento gosa depender de cada especie en particular.
Vinclos externos
[editar | modificar o codigo]
Se veigan as imáchens de Commons sobre Alaudidae.
Wikispecies tiene un articlo sobre Alaudidae.
| Control d'autoridaz |
|
|---|
