Araneae
| Araneae | |
|---|---|
 | |
| Denominacions populars | |
araina / aranya, arana, arania | |
| Clasificación cientifica | |
| Eukaryota | |
| Animalia | |
Filo: |
Arthropoda |
| Araneae | |
| Descripción | |
Araneae Clerck, 1757 | |
| Subórdens | |
| Subórdens d'Araneae | |
As arainas[1][nota 1] u aranyas[1][nota 2] (nombre cientifico Araneae) son uns artropodos queliceratos respiradors d'aire que tienen ueito garras, y quelicers modificatos en catirons capables d'inchectar vereno. As arainas viven en toz os continents fueras de l'Antartida, y s'han establito en cuasi toz os nichos ecolochicos, fueras d'a mar y l'aire. En 2008 s'heban descrito alto u baixo belas 40.000 especies d'araina y 109 familias.[2] Manimenos, existe un debate adintro d'a comunidat cientifica sobre como calerba clasificar toz os cheneros, como contrimostra o feito de que s'haigan publicato mas d'una vintena de clasificacions dende l'anyo 1900.[3]
As arainas tienen a capacidat de producir seda con a cual fan tararainas, embolican as presas que atrapan en ellas, protechen os suyos refuchios y se deixan levar per l'aire.
En a cultura popular
[editar | modificar o codigo]Folklore y mitolochía
[editar | modificar o codigo]As arainas han estau y estan presents en a mitolochía, simbolochía y o folklore de todas as culturas dende l'antiguidat dica l'actualidat. Las arainas s'han utilizau pa representar la paciencia por as suyas tecnicas de caza basadas en teixir rez y asperar a que caiga bella presa, asinas como la maldat per o suyo vereno y la muerte lenta que causa este.
Una d'as leyendas mas antigas ye a historia que conta a competición que levoron a cabo a diosa griega Atenea y a princesa Aracne. Esta fabula fue incorporada a la mitolochía griega muito mas tarde, cuan Ovidio escribió o suyo famoso poema As metamorfosis, entre los anyos 2 y 8.
Ye famosa a representación d'una araina en las Lineas de Nazca y o chugador de fútbol sovietico Lev Yashin, considerau un d'os millors porters de siempre, fue apodau l'Araina Negra por vestir siempre de negro y a suya habilidat pa plegar a cualsequier chute a puerta.
En o cine y televisión
[editar | modificar o codigo]Tanto en o cine como en a televisión, as arainas han estau presents dende fa muitos decenios, especialment en cintas de terror, que s'han serviu d'ellas pa causar espanto entre o publico, especialment entre os cuals tienen aracnofobia. Entre ixas cintas destacan Tarantula de 1955, Kingdom of the Spiders de 1977 protagonizada per William Shatner, Arachnophobia de 1990, Eight Legged Freaks de 2002 u Charlotte's Web de 2006, amás d'as cintas d'Spiderman.
Mazadas
[editar | modificar o codigo]- Como veigas garrilargas, ya pues coger o paraguas.[4]
Notas
[editar | modificar o codigo]Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) The World Spider Catalog, version 9.5, Norman I. Platnick. American Museum of Natural History
- ↑ (en) F. Foelix: Biology of Spiders Rainer, 1996. Oxford University Press. 198 Madison Ave. NY, New York, 10016 ISBN 0-19-509593-6
- ↑ (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31
| Control d'autoridaz |
|
|---|
