Herpestes ichneumon

Herpestes ichneumon
Una mangosta u melonet (Herpestes ichneumon).
Denominacions populars
Mangosta, Melonet
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Suborden:	Feliformia
Familia:	Herpestidae
Chenero:	Herpestes
Especie:	H. ichneumon
Descripción
*Herpestes ichneumon* Linné, 1758
Distribución cheografica
Distribución d'a mangosta u melonet: en color verda lo suyo habitat natural, en color roya habitat introduciu.

A mangosta^[1] u melonet^[2] (nombre cientifico Herpestes ichneumon (Linné, 1758)) ye un mamifero d'a orden d'os Carnivora y familia Herpestidae que se troba sobretot en Africa a lo sud d'o Sahara, dende lo sud de Senegal y Gambia dica Africa oriental, asinas como en Angola, Zambia, Malawi y Mozambique.

Amás d'en Africa, existe en a peninsula d'o Sinai, sud de Turquía, y en Europa, en a peninsula iberica, an amuestra una liuchera tendencia expansiva y ocupa a redolada suroccidental, estando sobretot abundant en l'Algarve, Sierra Morena, Coto de Doñana y sarradez d'as provincias de Malaga y Cádiz.

Habita en redoladas costeras, lacustres y riberanas, como almarchals y paúls, privando as selvas humidas y disiertos extremos.

Lo suyo cuerpo mide entre 48 y 60 cm; y a coda, entre 33 y 54 cm. O suyo peso oscila entre 1,7 y 4 kg.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.