Chaminera

Edificio con quatre chamineras

Una chaminera ye un sistema que se fa servir pa forachitar gases calients y fumo de calderas, escalfadors, estufas, furnos, fogons u fogarils enta l'atmosfera. Típicament son completament verticals ta a asegurar que os gases calients puedan fluir sin de problemas, movendo-se por convección. Tamién bi ha chamineras que no son verticals de tot, que s'instalan en cocinas u chicotas salas de calderas ta quitar os fumos a traviés de foratos feitos en as paretz. As chamineras que han estato construitas asinas han de disponer de mallas de protección ta evitar que os muixons i faigan niedos, y se les ha de dar una inclinación diferent a 0º ta facilitar a salita de fumos.

O espacio aintro d'una chaminera se diz "conducto de fumo". As chamineras pueden trobar-se en edificios, locomotoras u en barcos. A corrient d'aire que orichina o fuego y que fa que o fumo puye por a chaminera se diz "tiro". O termin chaminera tamién puet aplicar-se a aspectos d'a naturaleza, particularment en formacions rocosas.

Etimolochía

A parola chaminera ye un galicismo derivata de cheminée. En aragonés medieval se deciba chamineya con a epentesi antihiatica. A parola chamineya representa o testimonio més antigo d'esta parola en iberorromance, calentata arredol de l'anyo 1400, estando més antiga que o castellán chimenea.

Veyer tamién

• Chaminera troncoconica

Vinclos externos

• Se veigan as imáchens de Commons sobre as chamineras.