Kretzoiarctos beatrix
| Kretzoiarctos beatrix | |
|---|---|
 | |
| Dende o Mioceno Inferior dica o Mioceno Superior | |
| Clasificación scientifica | |
| Eukaryota | |
| Animalia | |
| Chordata | |
| Mammalia | |
| Theria | |
| Carnivora | |
| Caniformia | |
| Ursidae | |
| Ailuropodinae | |
| Kretzoiarctos | |
| Kretzoiarctos beatrix | |
| Descripción | |
ABELLA, MONTOYA & MORALES, 2011 | |
Kretzoiarctos beatrix (ABELLA, MONTOYA & MORALES, 2011) ye una especie extincta de mamifero carnivoro d'a familia d'os ursidos que vivió en o Mioceno en Europa, fa arredol de doce millons y meyo u once millons y meyo d'anyos.[1] A especie s'identifica como miembro d'a subfamilia Ailuropodinae (linache evolutivo de l'onso panda), en a qual estaría o miembro más antigo conoixiu.[1]
Ye una especie definida en l'anyo 2011 a partir de restas fósils descubiertas en a provincia de Zaragoza, pero enantes adscritas a o chenero Agriarctos.[1] O especimen fósil se conoixeba enantes como Agriarctos beatrix, y con ixa investigación se concluyó que feba parte d'un chenero diferent[2] que os mesmos autors baltizón en honor a o paleontologo hongaro Miklós Kretzoi.
Descripción[editar | editar código]
Kretzoiarctos beatrix yera más chicot que os onsos pandas actuals, con arredol de 60 kg de peso. Se piensa que puyaba más fácil a os árbols, y podeba fer una vida parcialment en as alturas. A la contra que os pandas actuals, que son herbivoros quasi de tot, K. beatrix yera omnivoro como ye regular en os onsos.[1]
Habitat[editar | editar código]
En o Mioceno, Europa teneba un clima más suau que l'actual y buena cosa d'o continent teneba selvas temperadas y humedas de fuella perén, semellants a o bioma actual de laurisilva. Os suyos descriptors piensan que K. beatrix viviba en estas selvas.[1]
Referencias[editar | editar código]
- ↑ 1,0 1,1 1,2 1,3 1,4 (en) The oldest relative of the giant panda has been discovered in Spain; consultada o 13 de noviembre de 2019.
- ↑ (es) Encuentran fósiles que señalan que el panda más antiguo podría ser español; consultada o 13 de noviembre de 2019.
Vinclos externos[editar | editar código]
Se veigan as imáchens de Commons sobre Kretzoiarctos beatrix.
Wikispecies tiene un articlo sobre Kretzoiarctos beatrix.
