Ailuropoda melanoleuca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ailuropoda melanoleuca
Un panda en un parque zoolochico.
Estau de conservación
Vulnerable (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Familia:	Ursidae
Subfamilia:	Ailuropodinae
Chenero:	Ailuropoda
Especie:	A. melanoleuca
Descripción
Ailuropoda melanoleuca Milne-Edwards, 1870

O panda u panda chigant (Ailuropoda melanoleuca (Milne-Edwards, 1870)) ye una especie de mamifero de l'orden d'os carnivoros. Tot y que i hai una gran controversia a lo respecto, os zaguers estudios d'o suyo ADN l'engloban entre os miembros d'a familia d'os onsos (Ursidae), estando l'onso d'antiuellos o suyo parient mas proximo, si bien iste perteneix a la subfamilia d'os tremarctinos. D'atra man, o panda royo perteneix a una familia propia y independient: os Ailuridae. Nativo de China central, o panda chigant habita en rechions montanyosas como Sichuan y o Tibet, dica una altaria de 3.500 metros sobre o livel d'a mar.

Ye en periglo d'extinción; a especie ye muit localizada. Con 1.600 eixemplars vivindo en as selvas humidas y 188 en catividat (estatisticas 2004-2005), bels informes contrimuestran que a cifra de pandas vivindo en libertat va medrando. L'onso panda ye o simbolo d'o WWF Fondo mundial t'a protección d'a naturaleza dende 1961.

O prencipal alimento d'o panda ye o bambú (arredol d'o 99% d'a suya dieta), encara que tamién s'alimenta de fruitos, chicoz mamiferos, peixes y insectos. Ye un buen repinchador, encara que no se le gosa veyer en os arbols. S'adapta a la catividat y gracias a la suya pelleta puede suportar facilment as condicions hibernals d'o suyo habitat.