Indiana Jones and the Last Crusade

De Biquipedia
Ir a la navegación Ir a la búsqueda
Indiana Jones and the Last Crusade
Hollywood Museum - Indiana Jones' Grail Diary (7659583966).jpg
Ficha tecnica
Dirección Steven Spielberg
Producción Robert Watts
Guión Jeffrey Boam
Musica John Williams
Fotografía Douglas Slocombe
Montache Michael Kahn
Actors Harrison Ford
Denholm Elliott
Alison Doody
John Rhys-Davies
Julian Glover
Sean Connery
Datos y cifras
País(es) Estaus Unius
Anyo 1989
Chenero aventuras
Durada 128 min.
Companyías
Productora Lucasfilm Ltd.
Destribución Paramount Pictures
Presupuesto 48 millons de dólars

Indiana Jones and the Last Crusade (títol orichinal en anglés, estenata en Aragón con o títol en castellán Indiana Jones y la última cruzada) ye una cinta estatounitense de cine d'aventuras de l'anyo 1989, endrezada por Steven Spielberg[1] y producida por Robert Watts con guión de Jeffrey Boam, protagonizada por Harrison Ford, Denholm Elliott, Alison Doody, John Rhys-Davies, Julian Glover y Sean Connery.

Reparto[editar | modificar o codigo]

Argumento[editar | modificar o codigo]

En 1912, Henry "Indiana" Jones, Jr., de 13 anyadas d'edat, amonta a caballo con a suya tropa de Boy Scouts en o Parque Nacional Arches en Utah. Mientras explora bellas espelungas, Jones descubre una colla de furtaires de fuesas que han trobau un cruzifixo dorau que perteneixeba a Francisco Vázquez de Coronado. Jones lo furta con l'asperanza de donar-lo a un museu. Os hombres lo encorren a traviés d'un tren de circo que pasa por astí, deixando a Jones con un curte ensangrentau en a barbeta a causa d'un trucazo de zurriaca y una nueva fobia a las sierpes. Jones fuye, pero l'aguazil local le obliga a tornar a cruz a los furtaires, qui a l'inte se la entregan a un misterioso benefactor que leva un chapero de Panamá. Impresionau por a valentía d'o nino, o lider d'os furtaires le da a Jones o suyo chapero.

En 1938, Indiana Jones luita contra "Chapero de Panamá" y os suyos secuaces en un barco frent a las costas de Portugal. Escapando-se por a borda chusto antis que o barco esclate, recupera a cruz y a dona a lo museu de Marcus Brody. Mas tardi, Jones s'entera de Walter Donovan que o suyo pai, Henry Jones, Sr., yera buscando o Santo Gredal fendo servir una inscripción incompleta d'una tableta de pietra como guía y dende alavez ha desapareixiu. Jones recibe o diario d'o Gredal de Henry por correu dende Venecia y s'endreza allí con Marcus, an conoixen a la colega austriaca de Henry, a Dra. Elsa Schneider.

Debaixo d'a biblioteca an Henry estió visto por zaguera vegada, Jones y Elsa descubren un conchunto de catatumbas meyo inundadas que auespan a fuesa d'un caballero d'a Primera Cruzada que contiene una versión completa de l'inscripción que Henry i heba emplegau, revelando l'ubicación d'o Gredal. Fuyen quan as auguas fartas de petrolio d'as catatumbas son pretadas fuego por a Chirmandat d'a Espada Cruciforme, una sociedat secreta que a suya misión ye protecher o Gredal. Jones y Elsa capturan a Kazim, miembro d'a Chirmandat. Quan Jones explica que o suyo unico obchectivo ye trobar a lo suyo pai, no pas a lo Gredal, Kazim les diz l'ubicación d'Henry. Mirando o diario, Marcus troba un mapa dibuixau por Henry d'a rota a lo Gredal, que prencipia en l'antiga ciudat d'Alexandretta. Jones saca o mapa d'o diario, se lo da a Marcus pa que l'alce y lo ninvia a Iskenderun pa trobar-se con o suyo viello amigo Sallah. Elsa prencipia una relación con Jones antis de que se vaigan a buscar a Henry.

Jones y Elsa s'endrezan a un castiello controlau por os nazis en Austria, an Henry ye deteniu. Jones troba a Henry y lo libera nomás pa estar rapidament capturau por o coronel d'as SS Ernst Vogel. S'entera que tanto Elsa como Donovan son nazis que son fendo servir a los Jones pa trobar-les o Gredal. Elsa se despide de Jones con un beso y se marcha con Donovan y Vogel. Marcus ye capturau en l'estau de Hatay entre que s'achunta con Sallah. Dimpués de fuyir d'o castiello, Henry le diz a Jones que o Gredal ye protechiu por tres trapas y que o suyo diario contiene as pistas necesarias pa pasar-las de forma segura. Desfrazau de coronel de l'exercito alemán, Jones recupera o diario d'Elsa en un mitin de cremada de libros nazi en Berlín y se troba de cara t'Adolf Hitler, qui sinya o libro sin reconoixer-lo. Indy y Henry abordan un Zeppelin pa salir d'Alemanya, pero son descubiertos y obligaus a fuyir en o suyo biplano parasito. Se produz una baralla con os combatents d'a Luftwaffe; encara que Jones y Henry se veyen obligaus a fer un aterrizache forzoso, sobreviven y espaldan con exito a los suyos perseguidors.

En Hatay, Sallah les charra d'o secuestro de Marcus. Os nazis han estau equipaus por o Soldán de Hatay y ya se son movendo enta la ubicación d'o Gredal, fendo servir o mapa que poseye Marcus. Jones, Henry y Sallah troban a expedición nazi, que ye emboscada por a Chirmandat. Mientres a batalla, Henry ye capturau por Vogel entre que fa un poder rescatar a Marcus; Kazim y os suyos camaradas mueren. Jones encorre a lo tanque a caballo y, con l'aduya de Sallah, salva a Henry y Marcus. Se veye embolicau en una baralla con Vogel, pero fuye chusto antis que o tanque caiga por una cingla, ninviando a Vogel a la suya muerte.

Jones, Henry, Marcus y Sallah alcanzan a los nazis supervivients, lideraus por Donovan y Elsa, que han trobau o templo en o Canyón d'a Luna Creixent an s'alza o Santo Gredal, pero no pueden pasar a primera trapa. Donovan dispara y fiere mortalment a Henry pa obligar a Jones a arriscar a suya vida en as trapas pa trobar o Gredal y fer servir o suyo poder curativo pa salvar a lo suyo pai. Fendo servir l'información d'o diario y seguiu por Donovan y Elsa, Jones supera con seguranza as trapas (que incluyen fuellas de sierra de movimiento rapido, un trencacabezas de parolas y un puent amagau sobre un pozo sin fondo) y plega a la camera d'o Gredal, que ye cosirada por un caballero. L'hombre s'ha manteniu con vida mientres 700 anyadas gracias a lo poder d'o Gredal, que ye amagau entre dotzenas de falsos Gredals. O verdadero Gredal atorga vida eterna, entre que os falsos matarán a qualsiquier usuario. Elsa tría intencionalment una copa equivocada pa Donovan, lo que fa que avielleixca rapidament y se convierta en polvo dimpués de beber d'ella. Jones bebe d'una simple copa d'archila que resulta estar o verdadero Gredal, manimenos o caballero advierte que no se puede quitar d'o templo y que o suyo guardián debe remanir adintro pa remanir inmortal.

Jones plena o Gredal con augua bendita y se lo leva a Henry, curando-lo instantaniament. Elsa ignora l'alvertencia d'o caballero y tracta de levar-se o Gredal con ella, fendo que o templo s'espalde a la suya arredol quan cruceya o Gran Siello colocau en o solero d'a dentrada. Quan o Gredal caye en un abismo en o solero, Elsa caye en fizau enta a suya muerte tractando de recuperar-lo. Jones quasi sufre a mesma suerte antis que Henry lo convenza que lo deixe. O Caballero d'o Gredal se despide d'ells entre que fuyen. Dimpués de deixar o templo, os Jones, Marcus y Sallah s'adentran en l'escureixiu.

Referencias[editar | modificar o codigo]

  1. (en) Joseph McBride (1997). Steven Spielberg: A Biography. New York City: Faber and Faber. ISBN 0-571-19177-0.
  2. (en) Duke, Brad (2008). Harrison Ford: The Films. McFarland. ISBN 9780786440481.