Soldán

De Biquipedia
Mahmud y Ayaz
O soldán ye a dreita, dando la man a lo xeikh, con Ayaz en piet dezaga iste. O personache a dreita que esnabesa a escena ye o xah Abbas I, qui reinó 600 anyos dimpués. Museu d'Arte Contemporanio de Teherán, Irán.

Soldán (de l'arabe سلطان sulṭān, y iste de سلطة sulṭa: «poder») ye un títol que se fa servir en bels países islamicos equivalent a lo títol de rei u monarca (encara que no se traduz, pus un rei propiament dito ye en arabe un malik). Literalment significa «qui exerce o poder», y en o suyo orichen estió una traza de referir-se a caudiellos militars, por un regular d'orichen turquico, que exerceban o poder de facto en territorios nominalment gobernaus por o califa. Dimpués se convertió en un títol.

O primero en levar oficialment o titol estió Mahmud de Gazna, d'a dinastía d'os gaznauís, gaznavís u gaznavidas (998 - 1030), qui gobernó dende l'actual ciudat afgana de Gazni uns dominios que iban dende o Gangas dica Mesopotamia.