Garra
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo trata sobre as estremidaz inferiors humanas. Ta altros usos d'a parola se veiga Garra (desambigación).
La garra[1] (de l'arabe < garfa u d'o celta < *garra[2]) ye la extremidat inferior de lo cuerpo de los sers humans. Abraca dende l'anca dica lo clavillar, y la constituyen la cuixa u cobalto de la garra, lo chenullo u rodeta, y lo cobaixo de la garra u garra propiament dita, con a parte a dezaga dita zafraina u seco de la garra.
En anatomía humana mes especifica, la garra abraca dende lo chenullo dica lo clavillar. Iste articlo fa referencia a lo suyo uso cheneral.
Las garras fan honra ta plantar de piet, caminar, blincar, correr y bel altras actividaz pareixitas, y constituyen una parte important de la masa corporia de lo ser humán. De lo crío que encomienza a caminar, se'n diz que ya fa garras. L'uso fegurato de lo vocable garra puede referir-se a los pilars u suportes de bella estructura, como per ixemplo, en fablar de las garras d'una siella.
En muitas culturas, sobretot a Occident, las mullers adultas y adolescents se sacan lo pelo de las garras. Lo feito de rasurar y depilar las garras ye a ormino percebito en ixas culturas como un signo de choventut y belleza.
Anatomía[editar | modificar o codigo]
Uesos prencipals de la garra[editar | modificar o codigo]
.
- Fémur (ueso de la cuixa).
- Rotula u bolet[3] (ueso de lo chenullo).
- Tibia (ueso de la espineta).
- Fibula (ueso de la zafraina).
Musclos de la garra[editar | modificar o codigo]
Musclos de la cuixa[editar | modificar o codigo]
- Cara anterior de la cuixa.
- Cara posterior de la cuixa
Musclos de la garra (parte baixa)[editar | modificar o codigo]
- Cara anterior.
- Tibial anterior.
- Extensor largo de los didos (Extensor digitorum longus).
- Extensor largo de lo dido gran de lo piet (Extensor hallicus longus).
- Peroneu tercer.
- Cara posterior.
- Gastrocnemio (ligato a lo calcanio per lo tendón d'Aquiles).
- Plantar.
- Solio.
- Cara lateral.
- Cara posterior interna.
- Tibial posterior.
- Flexor largo de los didos (Flexor digitorum longus).
- Flexor largo de lo dido gran de lo piet (Flexor hallicus longus)
Sistema bascular de la garra[editar | modificar o codigo]
Arterias[editar | modificar o codigo]
- Femoral común.
- Femoral profunda.
- Femoral superficial.
- Poplitia.
- Tibial anterior.
- Tibial posterior.
- Peronea.
- Pedia.
Venas[editar | modificar o codigo]
Ditos y mazadas[editar | modificar o codigo]
- «qui no tien capeza, debe tener garras»[4]
- «si te cai a moquita y esbarras, luego no ferás garras»[5]
Se veiga tamién[editar | modificar o codigo]
- Huembro.
- Espalda.
- Brazo.
- Currón.
- Cuello.
- Anca.
- Natura (anatomía).
- Cuixa.
- Caniella.
- Clavillar.
- Renera.
Referencias[editar | modificar o codigo]
- ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.32
- ↑ (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602
- ↑ (es) Ballarín Cornel, A: Diccionario del Benasqués, Institución Fernando el Católico, 2ª ed (1978), p 85.
- ↑ (an) Chusé Antón Santamaría Loriente: Chiqueta comparanza de paremias oczitanas, franzesas e aragonesas, Fuellas 228-229, Consello d'a Fabla Aragonesa, 2015, ISSN 1132-8453, pp. 17-19.
- ↑ (an) Chusé Antón Santamaría Loriente: ¿Plantamos fuerte? (y II), Fuellas 221-222, Consello d'a Fabla Aragonesa, 2014, ISSN 1132-8452, pp. 33-34.
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||